Project Coordinator for International Development Cooperation

Vil du bidra til å styrkje offisiell statistikk i Afrika og Asia?

Statistisk sentralbyrå (SSB) søkjer ein prosjektkoordinator til Seksjon for internasjonalt utviklingssamarbeid. Seksjonen samarbeider med nasjonale statistikkinstitusjonar og andre offentlege institusjonar i Afrika og Asia. Målet er å styrkje produksjonen og bruken av offisiell statistikk gjennom institusjonsutvikling, kompetansebygging og utvikling av moderne statistiske system.

Seksjonen forvaltar ei omfattande portefølje av internasjonale utviklingsprosjekt finansiert av Norad og Utanriksdepartementet. Vi samarbeider med partnarar i fleire land og dreg nytte av kompetanse frå heile SSB innan statistikk, metode, IT og verksemdsstyring.

Vi søkjer ein strukturert og engasjert medarbeidar som vil få ei sentral rolle i planlegging, koordinering og oppfølging av internasjonale samarbeidsprosjekt. Medarbeidaren vil bli involvert i ulike prosjekt, og få varierte oppgåver innan seksjonen sine arbeidsområde.

 

Arbeidsoppgaver

• koordinere og følgje opp internasjonale utviklingsprosjekt
• bidra til planlegging, gjennomføring og rapportering av prosjektaktivitetar
• følgje opp prosjektbudsjett, prognosar og økonomirapportering
• utarbeide rapportar, avgjerdsgrunnlag og søknader til finansieringspartnarar
• koordinere samarbeid mellom fagmiljø i SSB og internasjonale partnarar
• bidra til utvikling og forbetring av rutinar, verktøy og arbeidsprosessar
• representere seksjonen i møte med nasjonale og internasjonale samarbeidspartnarar

Kvalifikasjoner

• høgare utdanning på masternivå innan samfunnsvitskap, økonomi, administrasjon eller andre relevante fagområde. Relevant erfaring kan kompensere for krav om utdanning.
• erfaring frå statistikkbyrå og god kjennskap til produksjon av offisiell statistikk
• erfaring med prosjektstyring, inkludert budsjett- og økonomioppfølging
• god munnleg og skriftleg framstillingsevne på norsk og engelsk
• erfaring med bruk av administrative data og register som grunnlag for statistikk og analyse er ein fordel
• erfaring frå internasjonalt utviklingssamarbeid eller bistandsforvaltning er ein fordel

Personlege eigenskapar

• arbeider strukturert og systematisk
• tek initiativ og følgjer opp oppgåver på ein sjølvstendig måte
• har gode samarbeids- og kommunikasjonsevner
• byggjer gode relasjonar og trivst med samarbeid på tvers av fagområde og kulturar
• er løysingsorientert og har god gjennomføringsevne

Vi tilbyr

• Løn som rådgivar/seniorrågivar i lønsspenn frå kr. 650 000 - 820 000 etter kvalifikasjonar. Høgare løn kan vurderast for særleg godt kvalifiserte søkjarar
• Gode moglegheiter for kompetanseutvikling og nasjonalt og internasjonalt samarbeid.
• Fleksibel arbeidstid, treningstilbod og god pensjonsordning i Statens pensjonskasse.
• Lyse og trivelege lokale sentralt i Oslo med innandørs sykkelparkering.

Verdt å merke seg før du søkjer:

For at vi best mogleg skal kunne vurdere søknaden din, treng vi at du innan søknadsfristen registrerer relevant dokumentasjon i den elektroniske søkjeportalen (attestar, vitnemål osv.). For kandidatar vi vurderer å tilsetje, kan vi gjennomføre bakgrunnssjekk og kontroll av dokumentasjon.

Me gjer merksam på at opplysningar som søkjaren kan bli offentleggjorde sjølv om søkjaren har bede om ikkje å bli ført opp på søkjarlista. Dersom den ønska reservasjonen ikkje vert teken til følgje, vil søkjaren bli varsla om dette før offentleg søkjarliste vert utforma.

SSB skal vere ein god stad å arbeide for alle, og me ønskjer medarbeidarar med ulik kompetanse, fagkombinasjonar, livserfaring og perspektiv for å løyse framtidas oppgåver. Har du funksjonsnedsetjing, innvandrarbakgrunn, eller har hatt lengre fråvær frå arbeid, utdanning eller opplæring dei siste åra, vil vi oppmode deg til å krysse av for dette når du søkjer på stillinga. Det gir deg moglegheit til positiv særbehandling. Vi inviterer minst éin kvalifisert søkjar frå kvar av desse gruppene til intervju. Dersom du har behov for særskild tilrettelegging, vil vi strekkje oss langt for å imøtekome behova dine.

    

Kontaktinformasjon

Janne Therese Utkilen, Seksjonsleiar, janne.utkilen@ssb.no

Arbeidsstad

Akersveien 26

0177 Oslo

Nøkkelinformasjon:

Arbeidsgivar: Statistisk sentralbyrå

Referansenr.: 5202019697

Stillingsprosent: 100%

Fast

Søknadsfrist: 17.11.2026