Head of Medical Microbiology

🔬 Er du ein tydeleg, handlekraftig og positiv leiar?

Vi søkjer ein engasjert og inspirerande funksjonsleiar til eit vikariat ved Laboratorium for medisinsk mikrobiologi i Haugesund - Avdeling for laboratoriemedisin.

🌟 Vi ser etter deg som trivst med å koordinere og følgje opp prosessar, skape framdrift og bidra til eit godt arbeidsmiljø. Du har evne til å leie team, byggje gode relasjonar og samarbeide på tvers av einingar og yrkesgrupper. Stillinga er ei dagtidsstilling.

Medisinsk mikrobiologi er eitt av seks laboratorium i Avdeling for laboratoriemedisin i Helse Fonna. Vi har dei siste åra teke i bruk avansert teknologi med høg grad av automasjon og digitale løysingar, og er eit fagmiljø i kontinuerleg utvikling. I august 2021 flytta laboratoriet inn i nye og moderne lokale med oppdatert utstyr og framtidsretta teknologi.

Vil du vere med og vidareutvikle eit framtidsretta laboratorium med høg fagleg kompetanse og stort engasjement? Då vil vi gjerne høyre frå deg!

Kva går jobben ut på?

• Leie og koordinere den daglege drifta
• Ansvar for fag, kvalitet og personal
• Budsjettansvar og økonomioppfølging
• Ansvar for utarbeiding av arbeidsplanar
• Ansvar for å bidra med helhetlig og strategisk tenking og vere ein aktiv bidragsytar i arbeidet med å vidareutvikle avdelinga iht. vedtatte mål og strategiar
• Samarbeide tett med avdelingsleiar, avdelingsoverlege og leiargruppa i Avdeling for laboratoriemedisin
• Bidra til kompetanseutvikling og godt arbeidsmiljø.
• Sikre tett samarbeid internt i føretaket samt god samhandling med kommunane.
• Ansvar for at enheten har fungerande systemer for internkontroll og HMS

Kva kompetanse er viktig i denne rolla?

• Dokumentert leiarkompetanse og/ eller leiarerfaring er ein fordel.
• Norsk autorisasjon som bioingeniør. Andre helsefaglege utdanningar med relevant erfaring kan også vurderast. Søker må då vere villig til å opparbeide seg kompetanse innan laboratoriedrift. 
• Erfaring innan medisinsk mikrobiologi er ønskjeleg.
• Erfaring med prosedyreskriving, metodevalidering, databearbeiding og innkjøpsprosessar er ein fordel.
• God munnleg og skriftleg framstillingsevne på norsk. 

Kva ser vi etter hos deg?

• Du har gode samarbeidsevner, jobber sjølvstendig, viser handlekraft, er løysings- og endringsorientert.
• Du har eit godt lag med folk og får fram det beste i dei.
• Du er ein motiverande faktor og bidreg positivt til eit fagleg og kollegialt godt miljø.
• Du har god fagleg vurderingsevne, arbeider målretta, nøyaktig og strukturert.
• Interesse for utvikling og forbetringsarbeid.
• Evne til raskt å sette seg inn i nye saksområde.
• Du toler å stå i krevande situasjonar og har god stressmestring.
• Vilje til å vidareutvikle deg som leiar.

💙 Hos oss blir personlege eigenskapar tillagt stor vekt.

Kvifor skal du velje oss?

• Ei attraktiv dagstilling. 
• Eit aktivt, inkluderande og triveleg arbeidsmiljø med kompetente og stolte medarbeidarar. 
• Eit sterkt fagmiljø med høgt fagleg nivå og fokus på kvalitet og utvikling. 
• Lønn etter avtale
• Gode pensjons- og forsikringsordningar.
• Som funksjonsleiar blir du ein del av eit engasjert leiarfellesskap der samarbeid, utvikling og pasientfokus står sentralt.

Kontaktinformasjon

Rita Danielsen Tyse, Avdelingsleiar, 48227403, rita.tyse@sklbb.no

Tiril Knutsen, Funksjonsleiar Medisinsk mikrobiologi, +47 , tiril.knutsen@helse-fonna.no

Arbeidsstad

Karmsundgata 120

5528 HAUGESUND

Nøkkelinformasjon:

Arbeidsgivar: Helse Fonna HF

Referansenr.: 5186991009

Stillingsprosent: 100%

Vikariat

Startdato: 01.01.2027

Sluttdato: 31.12.2027

Søknadsfrist: 04.11.2026