Ved Høgskulen på Vestlandet (HVL) er det ledig 30 % fast stilling som førsteamanuensis i intensivsjukepleie ved Institutt for helse- og omsorgsvitskap - campus Førde
Stillinga høyrer til ved Fakultet for helse- og sosialvitskap, Institutt for helse- og omsorgsvitskap, fagseksjon for spesialsjukepleie. Stillinga er i hovudsak knytt til master i spesialsjukepleie.
Arbeidsstad er campus Førde.
Det er ønskjeleg at stillinga ved HVL vert kombinert med relevant stilling i spesialisthelsetenesta.
Ansvars- og arbeidsområde:
- Undervisning og rettleiing ved master i spesialsjukepleie, fordjuping i intensivsjukepleie. Det kan også vere aktuelt med undervisning ved andre studietilbod i instituttet.
- Oppfølging av studentar, evaluering og sensur
- Forsking, fagutvikling, publisering og formidling av forskningsresultat
- Bidra i å søkje om eksternfinansierte forskingsprosjekt
- Deltaking i institusjonsbyggande arbeid, emneansvar, og medverknad i forskargrupper
- Styrke og vidareutvikle fou-samarbeid innan helsefagleg simulering med regionale, nasjonale og internasjonale partnarar
Kvalifikasjoner:
Kriteria for tilsetjing i stilling som førsteamanuensis går fram av Forskrift til universitets- og høyskoleloven .
Formell utdanning og kompetanse:
- Norsk autorisasjon som sjukepleiar
- Utdanning som intensivsjukepleiar, relevant master/hovedfag og doktorgrad innan relevant fagområde. Relevant vitskapleg kompetanse
- Utdanningsfagleg kompetanse
- God munnleg og skriftleg framstillingsevne på norsk og på engelsk
- God IKT-kompetanse
- Erfaring med undervising og rettleiing
- Brei kompetanse innan helsefagleg simulering og simuleringsbaserte læringsaktivitetar
Det er ønskjeleg at stillinga ved HVL vert kombinert med relevant stilling i spesialisthelsetenesta.
Personlege eigenskapar:
- Sjølvstendig, ansvarleg og tar initiativ
- Gode samarbeids-, kommunikasjons- og formidlingsevner
- Nysgjerrigheit og motivasjon for å utvikle ny kunnskap med andre
- Evne til å bygge nettverk, både regionalt, nasjonalt og internasjonalt
- Engasjement og interesse for fagleg og vitskapleg utvikling
Utdanningsfagleg kompetanse:
Utdanningsfagleg kompetanse skal dokumenterast med ei pedagogisk mappe og ein pedagogisk CV i tråd med
Kvalifikasjonskrav til utdanningsfaglig basiskompetanse for ansettelse, opprykk og overgang ved HVL - Høgskulen på Vestlandet.
Søkjarar som ved tilsetting ikkje fyller krava, må fylle dei innan to år.
Korleis søke på stillinga?
Send søknad og CV ved å klikke på knappen merka ”Søk stillinga” på denne sida.
Vi gjer merksam på at søknaden blir vurdert ut frå den informasjonen som ved søknadsfristen er lagt inn i www.jobbnorge.no. Det er søkjaren sitt ansvar å sørgje for at alle relevante vedlegg er lagt inn innan fristen, irekna:
Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjaren sjølv laste opp attesterte omsetjingar. Om vedlegga er større enn 50 MB må dei komprimerast før opplasting, eller leggjast ved som lenkje.
Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad. Sjå www.hkdir.no for meir informasjon om vurdering av høgare utdanning.
HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.
Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga. Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.
Søknadane blir sendt elektronisk til eit sakkunnig utval. På bakgrunn av utvalet si vurdering vil aktuelle søkjarar bli kalla inn til intervju og prøveundervisning. Søknadar kan ikkje sendast på e-post til enkeltpersonar ved høgskulen.
Vi tilbyr:
- Gode pensjons-, forsikrings-, og låneordningar i Statens pensjonskasse
- Spennande fagmiljø med moglegheiter for kompetanseheving- og utvikling
- Moglegheit for trening i arbeidstida
Stillinga er løna etter Statens lønsregulativ, i stillingskode 1011 - førsteamanuensis
Frå løna blir det trekt 2 % innskot til Statens pensjonskasse.
Generell informasjon:
Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.
Den statlege arbeidsstyrken skal i størst mogelg grad spegle mangfaldet i befolkninga. Det er av den grunn eit personalpolitisk mål å oppnå ei balansert alders- og kjønnssamansetjing, og å rekruttere personar med minoritetsbakgrunn, nedsett funksjonsevne og hol i CV.
Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.
Høgskulen på Vestlandet er underlagt ekportkontrollforskrifta. Forskrifta kan komme til bruk i handsaming av søknadane.
Kontaktpersonar ved Høgskulen på Vestlandet:
1) Viseinstituttleiar Oda Karin Nordfonn
Tlf: 53 49 14 72
E-post: oda.karin.nordfonn@hvl.no
1) Assisterande instituttleiar Åshild Gjellestad
Tlf: 55 58 59 65
E-post: ashild.gjellestad@hvl.no