Kommunikasjonsrådgjevar

Høgskulen på Vestlandet, Avdeling for kommunikasjon har ledig vikariat i 100% stilling som kommunikasjonsrådgjevar 

Vi ser etter ein medarbeidar som likar å jobbe med eit spekter av varierte kommunikasjonsoppgåver i ein stor organisasjon. Du er nysgjerrig på nye digitale løysingar og er opptatt av stadige forbetringar innan kommunikasjonsfeltet. 

Stillinga ligg til Avdeling for kommunikasjon ved Høgskulen på Vestlandet og er eit vikariat i 100 % stilling. 

Tilsettingsperioden er fram til 31.12.2027. Arbeidsstad er campus Bergen. 

Ansvars- og arbeidsoppgåver:

Kommunikasjonsrådgjevaren vil arbeide med eit breitt spekter av oppgåver i kommunikasjonsavdelinga, særleg innan webarbeid, internkommunikasjon og studentrekruttering. Du vil mellom anna produsere, publisere og vedlikehalde innhald i HVL sine kanalar og ta del i ulike kommunikasjonsoppgåver i samarbeid med den øvrige organisasjonen. Det er ønskeleg med god kjennskap til produksjon av innhald til sosiale medium.

Kvalifikasjonskrav:

Utdanning og kompetanse:

• Høgare utdanning frå universitet eller høgskule på bachelorgradsnivå, fortrinnsvis utdanning på masternivå
• God skriftleg framstillingsevne, særleg på nynorsk
• Erfaring med kommunikasjonsarbeid
• Erfaring med webredigering

Ønska kvalifikasjoner:

• Erfaring frå store, komplekse organisasjonar
• Den beste kandidaten har dokumentert god strategisk kommunikasjons- og formidlingsevne

Personlege eigenskapar:

• Positiv, fleksibel, serviceinnstilt og engasjert
• Du må både kunne arbeide sjølvstendig og vere ein god lagspelar
• Du må vere ein positiv bidragsytar til eit godt arbeidsmiljø

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving - og utvikling
• Høve for trening i arbeidstida

Stillinga som kommunikasjonsrådgiver er løna etter Statens lønnsregulativ, i stillingskode 1434  - Rådgjevar.

Frå løna vil det bli trekt 2 % innskot til Statens pensjonskasse.

Korleis søke på stillinga?

Send søknad og CV ved å klikke på knappen merka ”Søk stilling” på denne sida.

Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadar kan ikkje sendast på e-post til enkeltpersonar ved høgskulen.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.

Arbeids- og opphaldsløyve i Norge er ein føresetnad for å tiltre stillinga. 

Høgskulen på Vestlandet er underlagt eksportkontrollforskriften. Forskrifta kan komme til anvending i behandlinga av søknadane.

Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.

Inkludere, utfordre og samhandle

Les meir på våre heimesider.