Glad i struktur, orden og oversikt? Me søkjer merkantil medarbeidar!

Me søkjer ein strukturert, serviceinnstilt og løysingsorientert medarbeidar til merkantile og administrative oppgåver.

Stillinga har ei sentral rolle i den daglege drifta og inneber varierte oppgåver innan administrasjon, koordinering og oppfølging.

Me ser etter deg som trivst når det skjer mykje, arbeider nøyaktig og sjølvstendig, og som held oversikt i ein travel kvardag. Du samarbeider godt med andre og bidreg til god service for både kollegaer og besøkjande.

Arbeidsoppgåver

Du vil mellom anna arbeide med:

• betene sentralbordet og handtere post
• yte administrativ støtte og rettleiing til eininga
• koordinere innleige ved fråvær og følgje opp nytilsette
• registrere og følgje opp fråvær og permisjonar
• kontrollere og følgje opp timelister
• behandle fakturaer
• følgje opp behaldning og bestilling på ulike lager
• ansvar for og følgje opp tenestebilar
• bidra til å utarbeide og vidareutvikle rutinar og arbeidsmåtar
• andre førefallande administrative oppgåver

Kvalifikasjonar

• Erfaring med merkantile og administrative arbeidsoppgåver er ønskjeleg
• God digital kompetanse og evne til raskt å ta i bruk nye system
• Gode munnlege og skriftlege ferdigheiter på norsk, både nynorsk og bokmål
• Økonomiforståing og erfaring med fakturabehandling er ønskjeleg

Eigenskapar

• Du arbeider strukturert, nøyaktig og sjølvstendig
• Du har god evne til å prioritere og halde oversikt i ein hektisk arbeidskvardag
• Du har gode samarbeidsevner og ei tydeleg serviceinnstilling
• Du er fleksibel, løysingsorientert og påliteleg
• Du trivst med varierte arbeidsoppgåver og høgt arbeidstempo
• Evne til å handtere oppgåver og informasjon på ein profesjonell og føreseieleg måte

Me tilbyr

• Ei variert og meiningsfull stilling i eit godt og inkluderande arbeidsmiljø
• God opplæring og oppfølging ved oppstart
• Sjølvstendige og varierte arbeidsoppgåver i samarbeid med dyktige kollegaer
• Høve til kurs, kompetanseutvikling og fagleg påfyll
• Fleksitidsordning, dersom arbeidsoppgåvene opnar for det
• Gode pensjons- og forsikringsordningar
• Løn og arbeidsvilkår i tråd med gjeldande avtaleverk
• Ein arbeidsplass som legg vekt på trivsel, samarbeid og god service

Annan informasjon

Me ønskjer eit arbeidsmiljø prega av mangfald, og at våre tilsette skal gjenspegla folkesetnaden. Me oppfordrar alle som er kvalifisert til å søkja jobb hos oss uansett alder, funksjonsevne, kjønn, eller minoritetsbakgrunn. Me legg vekt på å tilretteleggja arbeidsforholda dersom du har behov for det.

Etter utløpet til søknadsfristen, vil det setjast opp ei offentleg søkarliste innehaldande namn, alder, stilling eller yrkestittel og bustads- eller arbeidskommune for kvar søkar. Det kan gjerast unntak frå innsyn for opplysningar om ein søkar dersom vedkomande sjølv ber om det. Opplysningar om ein søkar kan verta offentlege sjølv om søkaren har bede om ikkje å førast opp på søkarlista. Dersom anmodningen ikkje vert teke til følgje vil søkaren varslast om dette.

Link til søknadsskjema:

Søk her