Fitjar Kommune Oppvekst
Fitjar Kommune Oppvekst søker spesialpedagog i Fitjar. Fast, deltid. Krav: bachelorgrad, 1-3 års erfaring. Dagtid. Søknadsfristen er 6. desember 2026.
Skrevet av Fitjar Kommune Oppvekst
Ledig fast stilling som spesialpedagog (om lag 50 %) i barnehagane i Fitjar kommune
Frå 01.01.2027 har Fitjar kommune ledig ei fast stilling som spesialpedagog i om lag 50 %, men stillinga vil bli utvida i løpet av barnehageåret, avhengig av vedtak om spesialpedagogisk hjelp og kommunen sine behov.
Fitjar kommune ligg sentralt i Sunnhordland og har om lag 3 200 innbyggjarar. Me legg stor vekt på tidleg innsats, inkluderande fellesskap og gode oppvekstvilkår for alle barn.
Barnehagesektoren i Fitjar består frå hausten 2026 av tre barnehagar, to kommunale og ein privat, med om lag 170 barn totalt. Barnehagane samarbeider tett om fagutvikling og kvalitetsarbeid, og har som mål at alle barn skal oppleva tilhøyrsle, deltaking, meistring og utvikling i fellesskapet.
Barnehagane deltek i Utdanningsdirektoratet sitt læringsmiljøprosjekt, med rettleiing frå Læringsmiljøsenteret ved Universitetet i Stavanger. Gjennom prosjektet arbeider me systematisk med å styrkja relasjonar, inkludering, førebygging og profesjonsfellesskap. Målet er å utvikla eit felles språk og ei felles forståing for korleis me skapar trygge og inkluderande miljø for alle barn. Dette arbeidet skjer i tett samarbeid med skulane i kommunen.
Stillinga er organisert i stab hjå kommunalsjef oppvekst og omfattar arbeid både i kommunale og private barnehagar i kommunen.
Me søkjer ein engasjert fagperson som ønskjer å bidra til at barn får tidleg og rett hjelp, og som ser verdien av samarbeid på tvers av barnehagar, fagmiljø og tenester.
Planleggja, gjennomføra og evaluera spesialpedagogisk hjelp til barn med vedtak etter barnehagelova
Leggja til rette for læring, utvikling, deltaking og meistring i barnehagen sitt fellesskap
Observera, kartleggja og dokumentera i tråd med gjeldande regelverk
Gje rettleiing og støtte til personale i barnehagane
Samarbeida tett med føresette og aktuelle samarbeidspartnarar
Delta i tverrfagleg samarbeid med PPT, helsestasjon, Statped og andre aktuelle instansar
Bidra til utvikling av inkluderande praksis i barnehagane
Arbeida med alternativ og supplerande kommunikasjon (ASK) der dette er aktuelt
Godkjend barnehagelærarutdanning, lærarutdanning eller tilsvarande pedagogisk utdanning
Vidareutdanning innan spesialpedagogikk
Erfaring frå arbeid med barn med særskilde behov er ønskjeleg
Kunnskap om ASK, tidleg innsats og inkluderande praksis er ein fordel
God munnleg og skriftleg framstillingsevne på norsk
Gode digitale ferdigheiter
Me legg stor vekt på personlege eigenskapar. Du:
er fleksibel og trivst med å arbeida på fleire arbeidsstader
har gode samarbeids- og kommunikasjonsevner
byggjer gode relasjonar til barn, føresette og kollegaer
arbeider sjølvstendig og strukturert
er løysingsorientert og fagleg engasjert
likar å vere ein del av tverrfaglege fagmiljø
bidreg til utvikling og deling av kompetanse
Ei meiningsfull stilling med stor fagleg påverknad
Varierte arbeidsoppgåver i både kommunale og private barnehagar
Eit godt tverrfagleg samarbeid med barnehagar, PPT og andre støttetenester
Moglegheit for fagleg og personleg utvikling
Fleksibel arbeidskvardag
Løn etter gjeldande avtaleverk
Gode pensjons- og forsikringsordningar
Den som vert tilsett må leggja fram gyldig politiattest før tiltreding.
Aktuelle søkjarar vil bli kalla inn til intervju.
Spørsmål om stillinga kan rettast til kommunalsjef oppvekst, André Sæthre, telefon 40043230
AIKravene er lest ut av annonsen med AI og kan være feil. Annonsen gjelder. Sammenligningen bygger på 100 jobber for spesiallærere / spesialpedagoger i hele landet de siste 90 dagene.
685 000 kr i året er midten.
Halvparten tjener mer enn dette, og halvparten tjener mindre.
Halvparten tjener mellom 645 000 og 730 000 kr.
Annonsen sier: lønn etter tariff.AI
Kilde: SSB, tabell 11418, 2025. Gjelder full stilling i hele Norge, ikke akkurat denne jobben.
Fitjar er ein øykommune som ligg vakkert til på nordsida av øya Stord i Sunnhordland. Her finn du framleis urørt kystlandskap, ein unik skjærgard med idylliske vikar og omlag 380 øyar, holmar og skjær. På øya er det mange flotte, merka turstiar i som er mykje nytta. Meir informasjon om Stord/Fitjar turlag finn du her
Fitjar er ein framtidsretta kommune med spanande moglegheiter. Kommunen har ca. 3200 innbyggjarar. Gode buforhold, eit levande lokalsamfunn og eit næringsliv i utvikling er viktige grunnsteinar i kommunen vår.
Annonsen er hentet fra arbeidsplassen.no (Nav), stillingsnummer bd31416f-0c6c-4d5d-8545-175169997848. Se den hos Nav
Frist
15 dager igjenLagre stillingen, så finner du den igjen under Lagret.
Gratis og uten konto: se kravene i annonsen og hvilke av dem CV-en din dekker.
Trykk på «Søk på stillingen». Da kommer du til søknaden hos Fitjar Kommune Oppvekst.
André Sæthre
Kommunalsjef
ansath@fitjar.kommune.no+47 400 43 230