Avsnittsleiar Fag- og metodeutvikling

Om stillinga

I Vest politidistrikt, for tida ved Felles eining for operativ teneste, Seksjon for operative tenester, er det ledig vikariat som politioverbetjent SKO 0287 med funksjon som avsnittsleiar ved Avsnitt for fag og metodeutvikling. Stillinga er stadsplassert i Bergen. 

Felles eining for operativ teneste er ei funksjonell driftseining i Vest politidistrikt. Eininga er organisert i Seksjon for operative tenester, Seksjon for arrest og framstilling, Seksjon for samfunnssikkerhet og beredskapskoordinering,  Seksjon for operative spesialfunksjonar og Seksjon for felles tenestekontor. I tillegg er Stabssjef i Vest politidistrikt underlagt eininga. Dei tilsette ved eininga har både politifagleg og sivil bakgrunn. Eininga har det overordna faglege ansvaret for politiet sine operative gjeremål i heile distriktet. 

Seksjon for operative tenester har fire avsnitt, tre for operasjonssentralen og eit avsnitt for fag og metodeutvikling.

Politiets Kontaktsenter Vest er underlagt fag og metodeutviklingsavsnittet. Avsnitt for fag og metodeutvikling blir leia av avsnittsleiar med personalansvar for fleire fagleiarar, instruktørar samt medarbeidarar ved Politiets Kontaktsenter Vest.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi ser etter motiverte kandidater som er interesserte i å møte utfordringar knytt til kriminalitetsnedkjemping. Vi stiller høge krav til fagleg kompetanse, motivasjon, arbeidsmoral og etisk integritet.

Vidare søkjer vi medarbeidarar som opptrer profesjonelt til ei kvar tid og fungerer som gode ambassadørar for politiet gjennom haldningane og handlingane sine i det daglege arbeidet. Evna til å vere trygg, nærverande, lydhøyr og å byggje tillit hos publikum, er avgjerande for suksess i organisasjonen vår.

I vår vurdering av kandidatar er mellom anna dette noko vi vil leggje vekt på i tillegg til evna til å bidra til eit inkluderande og respektfullt arbeidsmiljø.

Arbeidsoppgåver

• Personal-, resultat-, og HMS-ansvar for avsnittet
• Ansvar for organisering og dagleg oppfølging av ansatte og oppgåver ved avsnittet
• Ansvar for kompetanseoppbygging ved avsnittet og delansvar for seksjonen
• Ansvar for å setje fagleg retning for seksjonen og gje fagleg rettleiing til medarbeidarane ved seksjonen
• Halde seg oppdatert på kriminalitetsbilde og trendutvikling, kjenne til politidistriktets prioriterte områder, og sørge for at seksjonen jobbar kunnskapsbasert
• Delta aktivt i samhandling med andre aktører, både internt i politiet og mot eksterne samarbeidsaktørar
• Delta aktivt i evaluering og vere pådrivar for erfaringslæring
• Ved behov delta i den daglege tenesta. Skal kunne fungere som operasjonsleiar, oppdragsleiar og operatør
• Må rekne med turnusarbeid dersom dette vert pålagt
• Må rekne med å kunne bidra i politimeisteren sin stab
• Bidra aktivt i seksjonen si leiargruppe
• Andre oppgåver pålagt av overordna
   

Som leiar av avsnittet skal du utøve dagleg tryggleiksmessig leiing. Du skal rettleie og følgje opp dine tilsette slik at dei har kunnskap, ferdigheiter og haldningar som tar hand om tryggleiken ved avsnittet.

Kvalifikasjonar

Dette må du ha for å vere kvalifisert:

• Vitnemål frå Politiskule/Politihøgskulen
• God resultatoppnåing i tidlegare stillingar
• Brei politifagleg erfaring
• Erfaring som operatør, oppdragsleiar og/eller operasjonsleiar ved politiets operasjonssentral
• Kunnskap om politidistriktet sitt plan-og instruksverk og styrande dokument
• Kunnskap om HMS og arbeidsmijø
• God kjennskap til politiets oppgåver og utfordringar
• God skriftleg og munnleg framføring i norsk og engelsk
• God IT- og systemkunnskap
• Den som blir tilsett må kunna klarerast og autoriserast for HEMMELEG jf. Sikkerhetsloven

Du må ha plettfri vandel og vere skikka for teneste for å kunne bli tilsett i politiet. Uttømmande og utvida politiattest skal hentast inn og leggjast fram før ei eventuell tilsetjing. Ved vurderinga av om du er skikka for teneste i politiet, vil det bli henta inn opplysningar om deg frå registra til politiet.

Ønskelege kvalifikasjonar som blir vektlagt:

• Leiarutdanning fortrinnsvis på høgskule-/ universitetsnivå
• Leiarerfaring 
• Kunnskap om personal- og økonomistyring
• Kunnskap om offentleg forvaltning og statleg avtaleverk

Personlege eigenskapar

• Evne til å setje retning, drive endring og bidra til god verksemdsutvikling
• Evne til å handle i eit strategisk og heilskapleg perspektiv
• Evne til å prioritere, halde fokus, meistre stress og handtere pressa situasjonar
• Gode leiareigenskaper, med evne til å vise god personalomsorg og motivere sine medarbeidarar
• Gode evner til kommunikasjon og relasjonsbyggjing både internt og eksternt
• Resultat- og løysingsorientert med evne til å ta avgjerder og ha god gjennomføringsevne
• Samfunnsorientert med forståing for eininga si rolle i politiets samfunnsoppdrag

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

• Ein utfordrande og spennande arbeidsplass for deg som vil vera med på å forma framtidas politi. 
• Stillinga blir lønna som politioverbetjent  SKO 0287 med funksjon som avsnittsleiar frå kr. 910 000,- brutto pr år.
  • Vidare lønnsutvikling vil skje i henhold til hovudtariffavtalane i staten
• Medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no 

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video:

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.