Fagarbeider - 100% vikariat (2.gongs utlysning)

Vil du vere med og skape verdas beste oppvekstbygd?

Fjone barnehage har ledig 100 % vikariat som barne- og ungdomsarbeidar frå 04.01.2027 - 10.10.2027.

I Nissedal kommune arbeider vi for at alle barn skal oppleve ein trygg, inkluderande og hjernevenleg oppvekst. Gjennom satsinga vår på «Verdas beste oppvekstbygd» ønskjer vi å skape gode arenaer for leik, læring, meistring og livsglede for alle barn og unge. 

Er du å glad i å vere med barn, og ynskjer deg ein meiningsfylt jobb med varierte arbeidsoppgåver? Då er det kanskje deg me treng med på laget?

Arbeidsoppgåver

• Skape gode dagar for barna gjennom omsorg, leik og læring.
• Vere ein aktiv og engasjert deltakar i barnehagekvardagen.
• Støtte barn si utvikling og meistring.
• Byggje trygge relasjonar med barn, føresette og kollegaer.
• Bidra til pedagogisk arbeid og utvikling av barnehagen.
• Samarbeide i eit fagleg og inkluderande arbeidsfellesskap.

Kvalifikasjonar

• Fagbrev som barne- og ungdomsarbeidar er ønskjeleg. Andre fagbrev kan vere verdifullt. Personar utan formell kompetanse kan og bli vurderte. 
• Erfaring frå arbeid med barn er ein fordel.
• Førarkort klasse B
• Du kan kommunisere godt munnleg på norsk.

Politiattest må leggast fram før tiltreding.

Personlege eigenskapar

Vi ser etter deg som er varm, trygg og tilstadesverande i møte med barna. Du er engasjert, samarbeidsorientert og bidreg positivt til fellesskapet. Du tek ansvar, viser initiativ og evnar å vere fleksibel i ein variert og aktiv kvardag.

Personleg eignaheit og evne til å byggje gode relasjonar vil bli vektlagt.

Vi tilbyr

• Eit inkluderande arbeidsmiljø som legg vekt på å spille kvarandre gode
• Dyktige og engasjerte kollegaer med lang erfaring og glimt i auga.
• Meiningsfylte arbeidsoppgåver med barnet sitt beste i fokus.
• Ein liten barnehage med store muligheter.
• Moglegheit til å vere med på utviklingsarbeid knytt opp til kommunen si satsing på hjernevenleg oppvekst.
• Tilgang til relevant digital kompetanseheving gjennom kommunen sin kursportal "MerKompetanse."
• Løn og arbeidsvilkår etter gjeldande avtaleverk.

Nissedal kommune nyttar nynorsk som skriftspråk, og tilsette i kommunen pliktar å sette seg inn i kva det vil sei å vere ein nynorsk kommune.

Kontaktinformasjon

Maria Moland, Styrar Fjone barnehage, 468 53 091, maria.moland@nissedal.kommune.no

Arbeidsstad

Fjonevegen 2238

3855 Fjone

Nøkkelinformasjon:

Arbeidsgivar: Nissedal kommune

Referansenr.: 5205142509

Stillingsprosent: 100%

Vikar

Startdato: 04.01.2027

Sluttdato: 10.10.2027

Søknadsfrist: 18.11.2026