Helgestillingar - helsefagarbeidarar

Om stillinga 

Gulen kommune har ledig fylgjande helgestillingar i Sone Brekke, Byrknes og Dalsøyra (Sone BBD) frå snarast/etter avtale: 

• 19% fast stilling som helsefagarbeidar. Stillinga er for tida knytt til avdeling Dalsøyra, med kortvakter kvar 3. helg
• 24,35% fast stilling som helsefagarbeidar. Stillinga er for tida knytt til avdeling Byrknes, med arbeid kvar 4. helg, med seinvakt fredag, langvakt laurdag og søndag. 
• 13,15% fast stilling som helsefagarbeidar. Stillinga er for tida knytt til avdeling Byrknes, med arbeid kvar 3. helg, med dagvakt laurdag og søndag. 

Me tilbyr: 

• Løn over tariff for helsefagarbeidar i turnus
• Ekstra helgekompensasjon ved gått vakt 
• Gode pensjons- og forsikringsordningar

I sone BBD arbeider det både nyutdanna og tilsette med lang erfaring. Det er eit tett og godt samarbeid mellom assistentar, fagarbeidarar og sjukepleiarar/vernepleiarar kvar dag. Samarbeidet er viktig for at tenestene våre skal verte best mogleg for innbyggjarane i Gulen kommune, og noko me har fokus på kontinuerleg. Eininga har fokus på fagleg utvikling og kompetanseheving blant helsefagarbeidarane. 

Arbeidsoppgåver 

• Hjelp og bistand til brukarar med ulike funksjonsnivå
• Følgje opp dei daglege rutinene i avdelingane
• Andre oppgåver som måtte kome til

Kvalifikasjonskrav 

• Autorisasjon som helsefagarbeidar. Søkjarar utan fagbrev kan verte vurdert for mellombels stilling. 
• Førarkort klasse B
• Gyldig politiattest 
• God skrifleg og munnleg framstillingsevne (norsk)

Personlege eigenskapar 

• Kommuniserer godt på norsk, og har erfaring frå og god kjennskap til norsk helsevesen
• Samhandlar godt med brukarar og andre samarbeidspartnarar
• Jobbar sjølvstendig, tar initiativ, er fleksibel og løysingsorientert
• Å vere personleg eigna kan verte vektlagt ved tilsetjing

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, miljøteneste, barnevern, i skule, SFO og i barnehage, vert det stilt krav om politiattest etter aktuell/gjeldande lovheimel før oppstart i stillinga. Det skal berre krevjast politiattest av den som får tilbod om stillinga
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering.