Rus- og avhengigheitsklinikken (RAK) treng fleire dyktige og engasjerte sjukepleiarar og vernepleiarar.
RAK tilbyr behandling og oppfølging til menneske med rus- og avhengigheitslidingar. RAK satsar også sterkt på forsking og kvalitetsutvikling innan rushelsetenesta. RAK har om lag 600 tilsette og ti kliniske seksjonar som tilbyr avrusing, stabilisering, poliklinikk, døgnbehandling for både kvinner og menn, familieambulatorium, LAR-behandling og ambulante tenester. Vi har også det einaste medikamentfrie behandlingstilbodet i vår region for unge mellom 18 og 40 år.
Avdelinga er i ein spennande utvikling knytta til aukande differensiering av tenester for avhengigheitslidingar, fagleg integrasjon med psykisk helsevern, m.a. ved geografisk deling av alle poliklinikktenestene. Målsetting for integrasjonsprosessen er å utvikle tettare samhandling med DPSar og kommunale tenester.
Vi har ledig følgande stillingar:
Seksjon Tertnes, Kvinneposten (KP) har ledig 100% fast stilling og 2x 50% faste stillingar for sjukepleiar eller vernepleiar. Pt 2-delt turnus og arbeid kvar 3. helg.
Korttidspost Engenhuset har ledig;
* 100% fast stilling som sjukepleiar eller vernepleiar. Stillinga kombinerer faste dagvakter i vekedagane med langvakter kvar 4. helg
* 100% fast stilling som sjukepleiar eller vernepleiar. Stillinga er i langvaktturnus med langvakter kvar 4. helg
Ambulant oppfølging og behandling i TSB har ledig 100% faste stillingar som sjukepleiar. Arbeidstid er måndag til fredag 0800 - 1530.
Arbeidsoppgåver
Seksjon Tertnes Kvinneposten har 15 heildøgns sengeplassar for friveleg behandling av rusmiddelavhengige kvinner, der vi jobbar ut frå ein modell kor rammer, struktur og eit støttande miljø stimulerer indre modningsprosesser, som gjer den enkelte i stand til å realisere sitt potensial. Vi verdset eit arbeidsmiljø prega av omsorg for kvarandre, høgt engasjement for pasientane, fagleg utvikling, nysgjerrigheit, eit godt tverrfagleg samarbeid med opne dører og kreativitet.
Kvinneposten jobbar tverrfagleg og behandlinga består mellom anna beståande av gruppeterapi, inividualterapi, treningsterapi og miljøterapi. I tillegg tilbyr vi kunstterapi og musikkterapi samt sosialfagleg oppfølging av klinisk sosionom og pårørandeoppfølging av familieterapeut.
Kontakt: Seksjonsleiar Katrine Erstad Rødlyng, Tlf. 93888808
Korttidspost Engenhuset held til i flotte, nye lokale i Håkonsgaten 1 - midt i Bergen sentrum. På Engenhuset er vi eit stort fagmiljø beståande av korttidspostane, Heroinassistert behandling (HAB), Poliklinikk, KORUS, forsking, Ambulant og URO. Vi gir tilbod om rusbehandling til 24 pasientar fordelt på 2 postar. På korttidspostane jobbar vi hovudsakleg med medisinsk avrusing men har stort fokus på å utøve god miljøterapi. Vi har også eigen treningsterapeut og musikkterapeut.
Vil du ha ein variert arbeidskvardag i eit sterkt fagmiljø?
Ved Korttidspost Engenhuset har vi ledig 100% fast stilling for deg som er utdanna sjukepleiar eller vernepleiar. Den eine stillinga kombinerer faste dagvakter i vekedagane med langvakter kvar 4. helg. Den andre stillinga er i langvaktturnus med langvakter kvar 4. helg.
Har du erfaring innan psykisk helsevern eller TSB/rusomsorg og ønsker å gjere ein forskjell i pasientens veg mot betring? Hos oss møter du pasientar med samansette behov, og blir ein viktig del av eit tverrfagleg miljø med høg fagleg kompetanse. Vi søker sjukepleiar eller vernepleiar som er strukturert, engasjert, har erfaring og er trygg i rolla og har evne til å skape oversikt i ein variert arbeidskvardag. Du ser heilskapen, bidrar til struktur og god flyt i den daglege drifta, og samarbeider godt med kollegaer for å sikre god oppfølging av pasientane.
Kontakt: Åse Rosén Byrkjedal Lade, Tlf. 97740552 eller Anne-Britt Sunde, Tlf. 40063110
Seksjon Ambulant tilbyr fleksibel og oppsøkande rusbehandling til ungdom og vaksne med samansette utfordringar knytte til rus og psykisk helse. Våre behandlarar møter pasientane på deira eigne arenaer og arbeider for å skape trygge relasjonar, redusere barrierar for behandling og bidra til heilskaplege pasientforløp. Samhandling står sentralt i arbeidet, og vi samarbeider tett med familie, nettverk, kommunale tenester, fastlegar og andre samarbeidspartnarar for å sikre koordinert og målretta oppfølging. Seksjonen har eit sterkt tverrfagleg fagmiljø og består av eit avklaringsteam for unge under 26 år (URO) og eit behandlarteam som også utfører rustilsyn ved somatiske og psykiatriske avdelingar i Helse Bergen. Stillinga kan vere knytt til begge teama.
I seksjonen arbeider alle faggrupper som behandlarar med ansvar for pasientforløp, og alle driv samtalebehandling. Vi følger opp pasientar med eit breitt spekter av rusrelaterte utfordringar, frå ungdom til eldre, og tilbyr behandling både individuelt og i samarbeid med pasienten sitt nettverk og øvrig hjelpeapparat. Arbeidskvardagen er variert og inneber både ambulant oppfølging, tverrfagleg samarbeid og deltaking i vidare utvikling av seksjonen sitt behandlingstilbod.
Arbeidstid er måndag til fredag 0800 - 1530.
Kontakt: Eirik Gausvik Musland, Tlf. 92463092
Kvalifikasjonar (overskrift)
Arbeidsoppgåver
Seksjon Tertnes:
- Oppfølging og ivaretaking av pasientar og gjennomføre miljøterapeutiske tiltak i henhald til behandlingsplan
- Medisinhandtering
- Motivasjonsarbeid for å skape endring
- Skape eit trygt og godt behandlingsmiljø rundt pasienten og bidra i det tverrfaglege samarbeidet
- Co-terapeut i gruppebehandling
Korttidspost Engenhuset:
- Medisinsk og miljøterapeutisk oppfølging av inneliggande pasientar
- Observasjon, vurdering og tiltak knytta til abstinens og psykisk helse
- Relasjonsbygging og motivasjonsarbeid for å skape endring
- Tverrfagleg samarbeid med legar, psykologar og øvrig behandlingsapparat
- Følge opp praktiske gjeremål på post
- Elektronisk dokumentasjon og kurveføring i DIPS og Meona
- God oversikt over dagleg drift
Seksjon Ambulant:
- Ansvar for oppfølging og behandling av pasientar
- Koordinering av nasjonalt pasientforløp i tverrfagleg spesialisert rusbehandling (TSB)
- Arbeid i tverrfagleg team, med sentral rolle i utarbeiding og gjennomføring av behandlingsplanar
- Aktiv deltaking i pasienten si ansvarsgruppe, der fastlege og kommunale tenester er viktige samarbeidspartnarar
- Rustilsyn ved somatiske og psykiatriske sengepostar i Helse Bergen
- Dokumentasjon i journal og pasientforløp Deltaking i seksjonen sitt forbetringsarbeid
Kvalifikasjonar og personlege eigenskapar:
Seksjon Tertnes:
- Erfaring frå arbeid i psykisk helsevern og/eller rus vil vere ein fordel
- Førarkort klasse B
- Gode samarbeids- og kommunikasjonsevner
- Evne og vilje til å arbeide både sjølvstendig og i tverrfagleg team og har evne til å sjå pasientane sine behov
- Positiv innstilling til oppgåvene du blir sett til og respekt for kvar enkelt pasient
- Erfaring med pasientgruppen er ønskeleg
Korttidspost Engenhuset:
- Har erfaring frå arbeid med psykisk helsevern eller TSB/rusomsorg
- Fagleg engasjement og interesse for rusbehandling
- Trivst i ein kvardag prega av tverrfagleg samarbeid og pasientkontakt
- Har gode kommunikasjonsferdigheiter og evne til å handtere krevande situasjonar med ro og tryggleik
- Er strukturert, fleksibel og ein positiv bidragsytar i arbeidsmiljøet
- Trivst med å jobbe i team og bidrar til eit positivt og fagleg sterkt arbeidsmiljø
- Er fleksibel og løysingsorientert i ein hektisk kvardag
- Evne til å etablere og vedlikehalde gode relasjonar
- Det vil bli lagt vekt på erfaring frå psykisk helse, TSB og personleg egnethet
Seksjon Ambulant:
- Særleg relevant erfaring frå rusbehandling og/eller vidareutdanning innan rus, psykisk helsearbeid eller anna relevant vidareutdanning er ønskeleg
- Erfaring frå rusbehandling i spesialisthelsetenesta eller kommunehelsetenesta
- Erfaring med ambulant behandling av ruspasientar er ønskeleg
- Erfaring frå somatisk behandling er ein fordel
- Førarkort klasse B
- Du er interessert i fagfeltet og pasientgruppa
- Du er open og fleksibel, og meistrar høgt arbeidstempo og krevande situasjonar
- Du har god fagleg vurderingsevne og du arbeider målretta, samvitsfullt og strukturert, både sjølvstendig og i team
- Du likar å følge opp pasientar over tid
Felles for alle seksjonar:
- Norsk autorisasjon som sjukepleiar eller vernepleiar
- Du har gode samarbeidsevner og evne til å bygge tillitsfulle relasjonar med pasientar, pårørande, kollegaer og samarbeidspartnarar
- Personleg eigna for å jobbe med pasientgruppa er ein føresetnad
- Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må kunne dokumentere ferdigheiter i norsk på minimum B2/NOR-U3- nivå eller høgare. Dokumentasjon må leggast ved søknad
Vi tilbyr:
- Ein utfordrande og lærerik kvardag med fokus på fagleg utvikling
- Strukturert opplæring og rettleiing
- Tverrfagleg samarbeid med erfarne og dyktige kollegaer
- Eit inkluderande, sosialt og godt arbeidsmiljø
- Lærerike og utviklande arbeidsoppgåver
- Regelmessig teambasert rettleiing og undervisning
- Moglegheit for fagleg utvikling og kompetanseheving, inkludert relevant vidareutdanning etter gjeldande ordningar
- Løn i samsvar med gjeldande overeinskomst
- Gode pensjons- og forsikringsordningar
Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.
Kontaktinformasjon
Sjå kontaktperson, oppgitt for den enkelte avdelinga
Arbeidsstad
Håkonsgaten 1
5015 Bergen
Nøkkelinformasjon:
Arbeidsgivar: Helse Bergen HF
Referansenr.: 5195801273
Stillingsprosent: 100%
Fast
Søknadsfrist: 15.11.2026