Bistevaš virgi allaskuvlalektorin sámegielas
Sámi allaskuvla nanne sámegiel álgodási giellaoahpahusa fálaldagaid. Dál ohcat du gii háliidat leat mielde plánemin, ovdánahttimin ja ollašuhttimin álgodási oahppofálaldagaid sámegielas.
Giela, duoji ja servodatdiehtagiid goađis lea rabas virgi allaskuvlalektorin giellafágasuorggis, mii lea erenoamážit čadnon sámegiela álgodási giellaoahpuide. Álgin farggamusat.
Bargoviidodat virggis
- Oahpahit davvisámegiela álgodási giellaoahpuin
- Ovdánahttit ođđa beaktilis oahpahanvugiid ja -metodaid rávisolbmuid giellaoahppamii
- Plánet ja háhkat prošeavttaid ođđa oahpponeavvuide rávisolbmuid sámegiela álgodási giellaoahppamii Plánet ja ovdánahttit digitála giellabirrasiid ja buktagiid
- Ovdánahttit ja searvat suorggi dutkanosiide
Virgi lea čatnon erenoamážit lávdaduvvon sámegiela álgokurssaide ja lohkanbadjeoahpuide. Dása gullá gulahallan ja ovttasbargan Sámi allaskuvlla sámegiel álgodási oahpahusa ovdánahttinjoavkkuin ja eará ovttasbargoguimmiiguin.
Virgái gullet maiddái dutkan- ja ovdánahttindoaimmat, nu go ovdánahttit sámegiela álgokurssafálaldagaid ollislašvuođa ja eará dutkan- ja ovdánahttindoaimmat sámegiela fágasuorggis, mat vuolggahuvvojit Sámi allaskuvlla strategiijaplánaid vuođul.
Virggi ja ossodaga bargoviidodat ja ovddasvástádussuorggit sáhttet rievdat ásahusa dárbbuid mielde.
Gelbbolašvuođagáibádusat
Virgái ohcat olbmo geas lea
1) unnimus mastergráda sámegielas
dahje
2) mastergrádadási pedagogalaš gelbbolašvuohta nubbingielaoahpahusa suorggis, muhto dalle ferte leat maiddái sámegiella unnimusat 60 oč.
Eará:
- Bargovásáhus sámegiel rávisolbmuid álgodási oahpahusas ja oahppomateriála buvttadeamis
- Virgáibidjamis gáibiduvvo ahte bargi hálddaša davvisámegiela njálmmalaččat ja čálalaččat dásis, mii vástida unnimus B2- dási Eurohpá gielaid oktasaš rámmain (CEFR) ja ovtta skandináva- ja eŋgelasgiela unnimus unnimus B1-dásis
- Buorit ovttasbargo- ja geabbilvuođaattáldagat
- Buorit gulahallanattáldagat ja dáidu bargat iešheanalaččat
- Dokumenterejuvvon oahpahanfágalašgelbbolašvuohta. Jus ohccis váilu oahpahanfágalašgelbbolašvuohta. Jus leat ohccit virgái geat eai deavdde oahpahanfágalaš gelbbolašvuođagáibádusa mii gáibiduvvo Universitehta ja allaskuvlalaga láhkaásahusas § 3-9, sáhttá ohcci virgáibiddjot gáibádusain ahte háhká gelbbolašvuođa guovtti jagi siste.
Gelbbolašvuođagáibádusat virgái leat meroštallojuvvon Universitehta ja allaskuvlalága láhkaásahusas Forskrift til universitets- og høyskoleloven (universitets- og høyskoleforskriften) § 3—3 ja allaskuvla siskkaldas njuolggadusain Sámi allaskuvlla kvalifikašuvdnagáibádusat dieđalaš virgekategoriijaide. Čk. 2.2
Mii fállat
Mii fállát earet eará:
- Virggi mas ovdánahttinvejolašvuođat, viiddis ja máŋggabealat fágabirrasis
- Máŋggabealat čálgofálaldagaid ja heivehahtti bargoáiggi
- Buori bargobirrasa gos alla gelbbolaš bargit iešguđetge fágasurggiin
- Ealli sámegielbirrasa guovddáš sámi guovllus
Sámi allaskuvlla fágabargiid bargoresurssat juhkkojuvvojit oahpahandoaimmaid, dutkan- ja ovdánahttinbargguid ja hálddašanbargguid gaskka, ulbmilin joksat allaskuvlla fágalaš mihtuid ja alla fágalaš kvalitehta.
Bálká
Virgi bálkáhuvvo virgekodas 1008 allaskuvlalektor (624 700 - 833 300). Bálká mearriduvvo ohcci oahpu ja bargohárjáneami vuođul.
Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.
Bálkkás gesso 2% geatnegahtton divat Stáda penšuvdnakássii.
Máŋggabealatvuohta ja searvadahttin
Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis.
Jus leat gelbbolaš ohccit geain lea doaibmahehttehus, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.
Ávžžuhit ohccit merket bargoportálas jus lea doaibmahehttehus, guhkit áiggi jávkan bargoeallimis, dahje lea sisafárrejeaddjiduogáš.
Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.
Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.
Oppalaččat
Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.
Virggehasa bargosadji lea Diehtosiiddas, muhto lea vejolaš ohcat ruovttokantuvrras beassat bargat.
Ohccit sáhttet gohččot bargojearahallamii ja doallat geahččalanlogaldallama.
Fárrendoarjja máksojuvvo stáhta njuolggadusaid mielde.
Finnmárkkus lea sierra ortnet geahpedit lohkanloana ja vearrogeahpádus.
Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.
Dievdoolbmot ávžžuhuvvojit ohccát virgái universitehta- ja allaskuvlalága (ual.) § 7-1 vuođul. Jus leat guokte dahje eambbo ohcci geain lea sullii ovttadássásaš gelbbolašvuohta, de vuoruhuvvo dievdoolmmoš ovddabeallai nissonolbmo, gč. ual. 7- 1 (2) gos boahtá ovdan ahte galgá deattuhit dásseárvvu virgáibidjamis.
Virggis lea 6 mánu geahččalanáigi.
Ohcan
Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin:
- CV
- Duođaštuvvon oahppo- ja bargoduođaštusat
- Ollislaš listu dieđalaš publikašuvnnain
- Relevánta publikašuvnnat
- Duođaštus oahpahanfágalaš/vuođđo pedagogalaš gelbbolašvuođas
- Eará relevántta duođaštusat, omd bargoduođaštusat jna.
- Bivdit du maiddái almmuhit guokte (2) referánssa
Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget telefovdnii: 75 54 22 20.
Oktavuođadieđut
Eanet deđuid virggi birra oaččut veahkkegoahtejođiheaddjis Hanna K. Mattila, eposta: hannam@samas.no, +4778448556.