Om stillinga
Vil du bidra i internasjonalt miljøsamarbeid? Vi søkjer ein engasjert og strukturert rådgivar til seksjonen vår, som jobbar med miljøsamarbeid og -prosjekt i Arktis, Europa og det globale Sør.
Du vil støtte erfarne kollegaer i oppfølginga av ulike oppgåver og prosjekt, og samarbeide med nasjonale og internasjonale partnarar. På sikt vil du også få eige ansvar innan den internasjonale porteføljen vår.
Seksjon for Nordområda og bilateralt samarbeid har ansvar for å koordinere og følgje opp arbeid knytte til nordområda og Arktisk råd spesielt, for å koordinere utviklingsretta miljøsamarbeid med land i Afrika og Asia, og å følgje opp bruk av EØS-midlar i samarbeid med fleire europeiske land.
Hos oss blir du ein del av eit tverrfagleg og hyggeleg fagmiljø med høg kompetanse og stort engasjement for natur, klima og grøn omstilling. Seksjonen har 12 medarbeidarar. Arbeidsstad er anten i Trondheim eller Oslo.
Du kan lese meir om vårt internasjonale arbeid her: Internasjonalt samarbeid
Stillinga sine hovudansvarsområde
- koordinere og følgje opp prosjekta og arbeidsgruppene våre med samarbeidslanda våre
- ha dialog med nasjonale og internasjonale samarbeidspartnarar
- hjelpe kollegaer i oppfølging av den internasjonale porteføljen vår
- på sikt få eige oppfølgingsansvar innan det internasjonale samarbeidet vårt
- bidra inn i anna arbeid i seksjonen ved behov
Kompetansekrav
Kvalifikasjonar
- du har fullført, eller fullfører innan 31. august 2026, relevant mastergrad (t.d. miljøretta naturvitskap eller samfunnsvitskap)
- du har kunnskap relatert til natur, klima, forureining eller grøn omstilling
- du har gode skriftlege og munnlege framstillingsevner på norsk og engelsk
- du har gjerne erfaring frå arbeid i, eller samarbeid med, offentleg forvaltning
- du har gjerne erfaring frå internasjonalt samarbeid og kjennskap til seksjonens arbeidsområde vil vektast positivt
Eigenskapar
- du er positiv og diplomatisk av natur, og byggjer gode samarbeidsrelasjonar internt og eksternt
- du er strukturert, tek ansvar for eigne oppgåver og leverer resultat til rett tid
- du trivst i ein periodevis hektisk arbeidskvardag, og evnar å koordinere fleire prosessar samtidig
- du er fleksibel og evnar å tilpasse deg uventa utfordringar i arbeidet
- du har god rolleforståing, og er medviten at du representerer norske styresmakter
- du bidreg aktivt til eit godt arbeidsmiljø i seksjonen og i verksemda
Stillinga inneber reiseverksemd, både nasjonalt og internasjonalt.
Vi tilbyr
- fast stilling som rådgivar, med lønn i lønnsspennet frå kr. 600 000 - 750 000 etter erfaring og kvalifikasjonar. Særskilt kvalifiserte søkarar kan vurderast høgare.
- utfordrande og spennande arbeidsoppgåver internasjonalt
- gode høve for fagleg og personleg utvikling
- eit breitt tilbod av sosiale, kulturelle og sportslege aktivitetar, inkludert trening i arbeidstida
- fleksible arbeidstidsordningar og gode pensjons- og bustadlånordningar i Statens pensjonskasse
Har du spørsmål?
Kontaktperson for stillinga er seksjonsleiar André Kammerud (andre.kammerud@miljodir.no). Alternativt kan du kontakte sjefingeniør Anne Marie Mo Ravik (anne.marie.mo.ravik@miljodir.no).
Skriv namn og telefonnummer, samt referanse 72-2026 HNO, så kan vi ringe deg opp att.
Generelle opplysningar
Du må søkje på stillinga via Jobbnorge.no. Skriv søknaden på norsk, og legg ved relevante attestar og utdannelse tatt i utlandet. Vitnemål for utdannelse tatt i Norge må du laste opp i Vitnemålsportalen.
Søkjarlistene blir offentlege når søknadsfristen har gått ut. Om du ikkje ønskjer å stå på den offentlege søkjarlista, må du grunngi kvifor. Vi tek kontakt med deg dersom vi ikkje tek ønsket ditt til følgje, og du får høve til å trekkje søknaden din.
Vi oppfordrar deg til å krysse av i jobbportalen dersom du har funksjonsnedsetjingar, hòl i CV-en eller innvandrarbakgrunn. Vi kallar inn minst éin kvalifisert søkjar frå kvar av desse gruppene til intervju. Du kan lese meir om dette på Statens arbeidsgivarportal. Avkryssinga blir også brukt i ein anonymisert statistikk som alle statlege verksemder har med i årsrapportane sine.
Meir informasjon om korleis vi handterer opplysningar om deg som søkjar, kan du finne i personvernerklæringa vår.