Avdelingsleiar fysioterapi, ergoterapi, friskliv og frivilligheit

100 % fast stilling – 50 % leiing og 50 % fysioterapi

Vil du vere med og forme framtidas helse- og meistringstenester i Hemsedal?

Hemsedal kommune etablerer no ei avdeling for fysioterapi, ergoterapi, friskliv og frivilligheit. Vi søkjer ein engasjert og utviklingsorientert avdelingsleiar som ønskjer å kombinere leiing med klinisk arbeid og bidra til å utvikle berekraftige tenester for innbyggjarane i Hemsedal kommune.

Dette er ei nyoppretta stilling som er etablert som ein del av vidareutviklinga av helse- og meistringstenestene i kommunen. Vi ønskjer å styrkje nærleiing, samhandling og fagutvikling, samtidig som vi vidareutviklar førebyggjande og helsefremjande arbeid.

Hos oss får du høve til å påverke utviklinga av tenestene i ein kommune som satsar på kvalitet, innovasjon og tverrfagleg samarbeid.

Om stillinga

Stillinga er  delt mellom:

• 50 % avdelingsleiar
• 50 % fysioterapeut med kurativ verksemd

Merk at dette kan variere over tid, og det må påreknast fleksibilitet når det gjeld fordeling av oppgåver og ressursar.

Som avdelingsleiar får du ansvar for fysioterapi, ergoterapi, frisklivsarbeid og frivilligheit. Du vil inngå i leiargruppa innan helse og førebygging og samarbeide tett med andre leiarar og fagmiljø.

Som fysioterapeut vil du ha eigen klinisk praksis og arbeide tett på innbyggjarar, kollegaer og samarbeidspartnarar.

Arbeidsoppgåver

Leiing

• Personalansvar, fagansvar for avdelinga
• Ansvar for økonomioppgåver, samt oppfølging og kontroll av avdelinga sitt budsjett.
• Bidra til utvikling av framtidsretta og berekraftige tenester
• Sikre kvalitet, internkontroll og kontinuerleg forbetringsarbeid
• Leggje til rette for samarbeid på tvers av fagområde og sektorar
• Følgje opp medarbeidarar og bidra til eit godt arbeidsmiljø
• Delta aktivt i utvikling av helse- og omsorgstenestene i kommunen

Fysioterapi

• Kurativ fysioterapi
• Kartlegging, behandling og oppfølging av brukarar
• Tverrfagleg samarbeid med andre tenester
• Bidra til førebyggjande og helsefremjande arbeid
• Delta i utvikling av framtidas fysioterapitenester

Kven ser vi etter?
Vi søkjer deg som:

• Er autorisert fysioterapeut
• Har interesse for leiing og organisasjonsutvikling
• Har evne til å skape tillit, engasjement og gode relasjonar
• Er strukturert og tydeleg
• Har god gjennomføringsevne
• Ser moglegheiter og trivst med utviklingsarbeid
• Er oppteken av kvalitet og samarbeid

Leiarerfaring er ønskjeleg, men ikkje eit krav. Personlege eigenskapar vil bli tillagt stor vekt.

Vi tilbyr
Ei spennande og nyoppretta leiarstilling med stor moglegheit til å påverke utviklinga av tenestene i kommunen. Stillinga gir ein unik kombinasjon av leiing og klinisk arbeid, og du vil få arbeide i eit sterkt tverrfagleg fagmiljø saman med engasjerte medarbeidarar.

Hos oss får du stor grad av sjølvstende og handlingsrom til å forme og vidareutvikle tenestene. Vi legg til rette for både leiarutvikling og fagleg utvikling, og tilbyr løn etter avtale, samt gode pensjons- og forsikringsordningar gjennom KLP.

Krav til helse- og vandelsdokumentasjon
Ved enkelte stillingar innan Helse og omsorg er det krav om autorisasjon, politiattest og eigenmelding om tuberkulose og MRSA jf. Helse- og omsorgstjenestelova. Politiattest må leggjast fram før tiltreding og du kan òg bli pålagd å ta tuberkulose/MRSA-prøve dersom du har vore utsett for smitterisiko.  

Krav til kompetansedokumentasjon 
Det er krav om dokumentasjon og vitnemål frå tidligare arbeidserfaring og utdanning for rett innplassering i stillingskode, og fastsetjing av løn. Lønsansiennitet blir satt til 0 år inntil dokumentasjon er levert og vurdert. Vitnemål og attestar skal lastast opp som ein del av den elektroniske søknaden. Referansar vil bli innhenta.  

Kontaktperson 

Anita Foss Midlang, Kommunalsjef Helse og omsorg, 90016278, anita.midlang@hemsedal.kommune.no

Link til søknadsskjema:

Søk her