Om stillinga
Dreisen Vaksdal KF er ein arbeidsinkluderingsbedrift og tiltaksarrangør med tilrettelagde arbeidsplassar for personar som treng støtte for å koma i arbeid eller aktivitet. Føretaket har i dag 10 tiltaksplassar og 4 årsverk, og tilbyr arbeidsoppgåver innan ulike fagområde. Målet vårt er å skapa meistring, utvikling og arbeidsglede gjennom tilpassa opplæring og tett oppfølging.
Vi er ein sentral samfunnsaktør i Vaksdal kommune, og arbeider etter verdiane våre: Meistring, utvikling og vekst. Drifta er sertifisert etter kvalitetsstandarden ISO 9001:2015, og vi er stolte av å levera tenester med høg fagleg kvalitet.
Vi søker no ein engasjert og utviklingsorientert dagleg leiar som vil vera med å vidareutvikla verksemda. Dersom du ønsker å bidra til inkludering og meistring, og trivst med å kombinera strategisk leiing og operativt ansvar, vil vi gjerne høyra frå deg!
Les meir om oss på www.dreisen.no
Arbeidsoppgåver
Dagleg leiar har det overordna ansvaret for den daglege drifta av føretaket. Dette inneber å sikre at verksemda vert driven i tråd med gjeldande lovverk og regelverk innan rekneskap, økonomistyring og personalforvaltning.
Rolla inneber òg ansvar for den strategiske utviklinga av føretaket, inkludert å sette relevante kvalitetsmål, og følge opp både årshjul og handlingsplanar. Dagleg leiar rapporterer direkte til styret.
Krav til kompetanse
- Høgare utdanning på minimum bachelornivå
- Lang relevant leiarerfaring kan kompensera for manglande formell utdanning
- Administrativ erfaring og god økonomisk forståing
- Erfaring med kartlegging, arbeidsretta oppfølging og rettleiing
- Kjennskap til og forståing for bruk av kvalitetssystem, gjerne ISO 9001
- God forståing for gjeldande lovverk, forskrifter og offentlege krav
- God skriftleg og munnleg framstillingsevne på norsk
Personlege eigenskapar
- Strukturert, nøyaktig og pålitelig
- Engasjert og ein pådriver for utvikling av foretaket
- Har gode samarbeids- og kommunikasjonsevner
- Trygg og tydeleg i leiarrolla, med evne til å motivere andre
Dreisen Vaksdal KF kan tilby
- Faglege og personlege utviklingsmoglegheiter i eit inkluderande og inspirerande arbeidsmiljø
- Moglegheit til å påverke og ta del i ei spanande vidareutvikling av føretaket
- Eit meiningsfullt arbeid med samfunnsnyttige oppgåver
- Gode pensjons- og forsikringsordningar
- Løn etter avtale