Tannhelsesekretær ved Molde kompetanseklinikk

Interessert i jobb i den offentlege tannhelsetenesta i Møre og Romsdal? 

• Ønskjer du spennande utfordringar i eitt av landets vakraste fylke? 
• Blir du motivert av å jobbe for og med menneske? 
• Søker du eit meiningsfylt arbeid med stor variasjon og ansvar? 
• Vil du vere ein del av eit fagleg fellesskap som legg vekt på læring, samarbeid og tillit? 

Molde kompetanseklinikk er ein av fylkets største offentlege tannklinikkar, og har 6 tannlegar, 3 tannpleiarar og 10 tannhelsesekretærar. Klinikken har i tillegg også spesialistar i oralkirurgi og oralprotetikk og psykolog i tverrfagleg behandlarteam TOO.

Stillinga omfattar i hovudsak ordinære kliniske oppgåver som tannhelsesekretær. Det kan òg vere aktuelt å kombinere dette med funksjon som overtannlegesekretær i delar av stillinga. I denne rolla vil du utføre støtte- og koordineringsoppgåver på vegner av overtannlegen, og bidra til god drift, samarbeid mellom klinikkane og administrativ støtte til leiarane i kompetanseregionen. Denne administrative funksjonen føreset autorisasjon som tannhelsesekretær.

Arbeidsoppgåver

Kliniske oppgåver 

• Assistere tannlege og tannpleiar i behandling av alle pasientgrupper. 
• Varierte kliniske arbeidsoppgåver, med pasientar i alle aldersgrupper. 
• Hygieneansvar og oppgåver innan smittevern. 
• Administrative oppgåver knytt til timebestilling, journalsystem og pasientkontakt. 
  

Administrative oppgåver ved eventuell overtannlegesekretærfunksjon  

• Personaladministrative oppgåver som oppfølging av permisjonar, ferie og fråvær. 
• Oppfølging av tidregistrering og fråværsregistrering.
• Bidra til implementering og oppfølging av rutinar, retningslinjer og arbeidsprosessar ved klinikkane. 
• Bidra til planlegging og koordinering av møte, samlingar, kurs og andre regionale aktivitetar. 
• Innhenting, samanstilling og oppfølging av statistikk, rapportering og annan administrativ dokumentasjon. 
• Eventuelt andre administrative og organisatoriske oppgåver etter nærare avtale med overtannlegen. 

Kvalifikasjonar

• Norsk autorisasjon som tannhelsesekretær. Overtannlegesekretærfunksjonen er forbeholdt autoriserte tannhelsesekretærar.
• Søkarar utan autorisasjon kan bli vurderte for tilsetting i stilling som assistent dersom vi ikkje har kvalifiserte kandidatar med gyldig autorisasjon. 
• God munnleg og skriftleg framstillingsevne på norsk eller anna skandinavisk språk.
• God digital kompetanse og erfaring med administrative system. 
• Erfaring med administrative oppgåver vil vere ein fordel.
• Forståing for det helsefaglege samfunnsoppdraget, kvalitetssikring og pasienttryggleik. 

Personlege eigenskapar

Vi ser etter deg som:

• kjenner stoltheit for tannhelsefaget
• er strukturert, nøyaktig og sjølvstendig 
• trivst med både kliniske og administrative arbeidsoppgåver 
• har gode samarbeids- og kommunikasjonsevner 
• er serviceinnstilt og løysingsorientert 
• tek ansvar og bidreg til god samhandling på tvers av klinikkar og fagmiljø 
• ønskjer å bidra til eit positivt og utviklande arbeidsmiljø 

Personleg eignaheit vil bli tillagt stor vekt. 

Vi tilbyr

• Ei spennande og variert stilling med moglegheit for kombinasjon av kliniske og administrative arbeidsoppgåver.
• Moglegheit for funksjon som overtannlegesekretær med ei sentral rolle i utvikling og drift av tannhelsetenesta i regionen. Det inneber eit eige funksjonstillegg på lønn så lenge funksjonen blir utøvd. 
• Lønn etter tariffavtale
• Fagleg utvikling og tilgang til eit stort kompetansenettverk. 
• Trivelege kollegaer og eit godt arbeidsmiljø.
• Introduksjonsprogram for nye medarbeidarar.
• Ein stor og solid organisasjon i ryggen og leiarar som heier på deg 
• Gode pensjons- og forsikringsordningar (gjennom KLP) 

Anna

Vi har som mål å spegle mangfaldet i befolkninga. Alle med kompetansen vi etterspør er velkomne til å søkje ledig stilling hos oss.

Den som vil bli tilsett må levere politiattest

Kontaktinformasjon

Ingri Nilsson Valle, Klinikkleder, 45416614

Henriette Stavik Hollingen, Overtannlege Molde kompetanseregion, 92414190

Arbeidsstad

Bjørnstjerne Bjørnsons veg 6

6412 Molde

Nøkkelinformasjon:

Arbeidsgivar: Møre og Romsdal fylkeskommune

Referansenr.: 5195671742

Stillingsprosent: 100%

Fast

Søknadsfrist: 09.11.2026