Vi søkjer sjåfør til varebil klasse B for køyring Osterøy og Bergen.
Personen vi ser etter må vere effektiv, serviceinnstilt, ha god fysisk helse og vere omsorgsfull. Personen må handtere uforutsette ting, både med kundar, trafikk og bil, og vere sjølvstendig.
Sjåføren har sidemann med seg som har tilrettelagte behov og det er viktig at sjåføren har tolmod, er inkluderande og viser tryggleik. Vi ser etter ein sjåfør som er tru med våre verdiar; respekt, utvikling og meistring. Det er også derfor personen må kunne snakke og forstå godt norsk.
Den som vert tilsett vert ein del av personalgruppa som har ansvar for tilrettelegging og planlegging av drift.
Fordi vi er ei arbeidsinkluderingsbedrift må vedkommande levere politiattest.
Vi har oppretta ei stilling som sjåfør på vaskeriet og frukten. Vi har kombinert desse to avdelingane for at vi skal kunne tilby ei full stilling.
Arbeidsoppgåvene på frukten er levering av jobbfruktkorger til bedrifter og skulefrukt til skular. Arbeidsområdet er Osterøy og Bergen.
På vaskeriet er oppgåva å levere og hente varer. Det er mattebytter, trilling av vogner og bæring av sekkar. Køyringa er til bedriftskundar på Osterøy og rutene er faste.
På begge rutene har sjåføren med seg sidemann som er knytt til tiltaket Varig tilrettelagt arbeid.
Stillinga er eit engasjement med kontrakt eitt år om gongen. Stillinga er knytt til NAV sitt arbeidsmarknadstiltak VTA- Varig tilrettelagt arbeid og dersom vi får søkjarar med dei rette kvalifikasjonane opphøyrer engasjementet.
Arbeidstid på dagtid
Eit trygt og inkluderande arbeidsmiljø
Gode pensjonsordningar
Lønn etter avtale
Bedriftstrening
Opro AS er ei arbeidsinkluderingsbedrift lokalisert på Hauge industriområde på Osterøy. Bedrifta tilrettelegg arbeidsplassar for uføretrygda og har avdelingar som vaskeri, frukt og ei pakke- og monteringsavdeling. I tilegg driftar vi kommunen sitt dagsentertilbod for utviklingshemma.