Vikarar og faste tilsette som kan jobba i helger og feriar. Det er eit ynskje å knyta til seg studentar som held på med utdanning med tanke på framtidig rekruttering i kommunen.
Kvinnherad kommune vil som ledd i rekrutteringsarbeid tilby ordning med stipendløn for helsefagleg høgskuleutdanning og lærarutdanning. Dette vil vera eit alternativ til dei ordningane som allereie fins i strategisk kompetanseplan og ordningane kan ikkje kombinerast.
Tilsette som allereie har avtale som går ut 31.08.26 må søkja på nytt. Tiltreding 01.09.2026.
Stipendordning:
Dette er ei ordning der studentar får eit stipend på kr. 2000,- kvar mnd. i tillegg til ordinær løn for fast helg og ferievikariat. For å få ein slik avtale må det lagast avtale mellom student og Kvinnherad kommune. Avtalen følger skuleåret og forutsetter at studenten forpliktar seg å jobba 5 veker i ferieperioden om sommaren og 16 helger med ordinære vakter i løpet av perioden. Dette inkluderer helger ein jobbar på sommaren. Om ein treng permisjon grunna praksis og eksamen skal desse helgene flyttast til periodar det passar for avdelinga og studenten.
Bindingstida er 12 månader frå oppstart av ordninga.
Personlege eigenskapar vert vektlagt ved tilsetjing.
Gyldig politiattest må framleggjast der det er påkrevd.
Link til søknadsskjema:
Søk herKvinnherad kommune har vel 13.250 innbyggjarar og ligg i Sunnhordland, mellom Bergen, Haugesund og Odda.
Rosendal er administrativt senter, medan Husnes er største tettstaden og har vidaregåande skule og handelssenter.
Kvinnherad tilbyr gratis SFO og søskenmoderasjon i barnehagen.
Naturen rundt byr på sjø, skog, fjell og bre. Kvinnherad Arena opna våren 2023, som er den største aktivitetshallen i kommunen. Idrettslag og kulturskule gir moglegheiter for både sports- og kulturinteresserte.
Handelsmoglegheiter finn du på Husnes storsenter og i Rosendal, og det er gode transporttilbod både til Bergen og Haugesund.
Kvinnherad kommune har per i dag ikkje eigedomsskatt for hus, hytter og næring. Bur du i Kvinnherad og er i jobb, kan du etter eitt år få sletta 25 000 kroner av studielånet.
Sjekk og ut Friskus Kvinnherad for aktiviteter og frivillige oppdrag (https://kvinnherad.friskus.com/events)