Vil du vera med på å styrkja Noregs innsats mot økonomisk kriminalitet og miljøkriminalitet?
Økonomisk kriminalitet og miljøkriminalitet blir stadig meir kompleks og samfunnsskadeleg. Økokrim er den sentrale eininga til politiet på desse områda og står i frontlinja i arbeidet mot denne kriminaliteten. Økokrim er både statsadvokatembete og særorgan i politiet. No søkjer me ein statsadvokat som vil bidra til å vidareutvikla arbeidet vårt og styrke Noregs evne til å møta desse utfordringane.
Økokrims statsadvokatar er ein del av Den høgare påtalemakta. Me stiller derfor høge krav til fagleg dyktigheit, samarbeidsevne, integritet og utviklingsvilje.
Som statsadvokat vil du inngå i juridisk avdeling og delta i tverrfaglege etterforskingsprosjekt saman med juristar og etterforskarar med bakgrunn frå politi, økonomi, miljø og teknologi.
Miljøkrimeininga etterforskar, påtaler og aktorerer eigne saker om miljøkriminalitet. Eininga hjelper også politidistrikta i miljøkriminalitetssaker og er eit nasjonalt kompetansesenter på området. Arbeidet omfattar mellom anna kompetanseheving i politiet og påtalemakta, kartlegging av miljøkriminalitet og førebyggjande arbeid retta mot både privat og offentleg sektor.
Me legg vekt på brei samfunnsinteresse, og erfaring frå relevante saksområde er ein fordel. Miljøkriminalitet omfattar mellom anna saker om forureining, natur, kunst og kulturminne, arbeidsmiljø og dyrevelferd.
Den som blir tilsett, bør trivast med rettleiingsoppgåver. Det inneber mellom anna å halda foredrag internt i politiet og påtalemakta og å ha kontakt med næringsliv og offentleg sektor. Interesse for internasjonalt arbeid og gode språkkunnskapar er også ein fordel.
Som statsadvokat i Økokrim skal du løysa kjerneoppgåver innan etterforsking og rettsforfølging. Du skal også ta aktivt medansvar for å utvikla Økokrims arbeid på relevante område.
Me ser etter kandidatar som har interesse for og evne til å sjå rolla til påtalemakta i heile den tverrfaglege kjeda frå etterretning til rettsforfølging. Teknologi og nye datadrivne metodar blir stadig viktigare på kriminalitetsområda Økokrim har ansvar for. Som statsadvokat skal du bidra til at Økokrim gjer gode prioriteringar, oppdagar sårbarheiter tidleg og arbeider effektivt med eit stadig meir komplekst kriminalitetsbilete.
I det eksterne arbeidet skal du bidra til å styrkja Økokrims rolle i offentleg-private samarbeid og i samarbeid mellom etatar. Dette omfattar tettare samhandling og betre informasjonsdeling med tilsyns- og kontrolletatar på miljøkrimområdet.
Du skal også bidra til samarbeid med private aktørar og næringsorganisasjonar. Målet er å hindra og førebyggja miljøkriminalitet i heile verdikjeda. I dette arbeidet skal Økokrims juridiske og påtalefaglege kompetanse vera tydeleg i dei felles strukturane som no blir utvikla.
Me forventar også at du bidreg aktivt til å vidareutvikla Økokrims fagleiingsarbeid, i tråd med forventningane til riksadvokaten om styrkt og systematisk fagleiing. Dette inneber å ta ansvar for retning, standard og kompetanseutvikling i straffesaksarbeid.
Dette må du ha for å vera kvalifisert:
Det er også ønskeleg med:
Søknader utan vitnemål vil ikkje bli behandla. Vi ønskjer òg relevante arbeidsattestar.
Du må kunne tryggleiksklarerast for HEMMELEG, ha plettfri vandel og vere skikka for teneste i politiet. Ved å søkje på stillinga samtykkjer du til at det blir gjort ei skikkavurdering av deg. Vurdering av skikka- og kvalifikasjonar vil bli vektlagde. Politiattest (uttømmande og utvida) må innhentast ved ev. tilsetjing jfr. politilov en § 18 og politiregisterlova § 41. Det kreves samtykke fra særorgansjefen for å inneha bierverv.
Personleg egnethet vil bli vektlagt.
Som medarbeider i politiet har du høy etisk bevissthet, du kjennetegnes av å være modig og helhetsorientert, du viser respekt og er tett på. Du kan lese mer om våre etiske retningslinjer og medarbeiderplattform her.
Dersom du har funksjonsnedsetjing, innvandrarbakgrunn eller hol i CV-en, er det høve for å kryssa av for dette i søknaden. Er du kvalifisert for stillinga, vil du bli vurdert for positiv særbehandling.
Det inneber at minst éin søkjar frå kvar av desse gruppene blir innkalla til intervju.
Les meir om positiv særbehandling når ein søkjer jobb i statenher.
Opplysningane du gir, blir brukte til å utarbeida anonymisert statistikk som alle statlege verksemder rapporterer i årsrapportane sine.
Video:
https://www.youtube.com/watch?v=uUTjHmSB_WcDu søkjer ved å skriva eit kort søknadsbrev, registrera utfyllande CV og leggja ved relevante vitnemål og attestar.
Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.
Økokrim førebyggjer, etterrettar, etterforskar og fører saker for retten innanfor økonomisk kriminalitet og miljøkriminalitet over heile landet. Økokrim er lokalisert i Oslo. I tillegg har vi bedragerieininga på Gjøvik og regionskontor i Tromsø, Trondheim, Bergen, Larvik og Lillestrøm. I september 2026 flyttar Økokrim inn i nye og moderne lokale i Grenseveien 78 på Helsfyr. Les meir om oss på http://www.okokrim.no/.
Økokrim følgjer staten sin personalpolitikk om å styrkje likestilling, inkludering og mangfald. Den seier at dersom vi har kvalifiserte søkjarar med funksjonsnedsetjing, hol i CV-en eller innvandrarbakgrunn, så skal vi kalle inn minst éin søkjar i kvar av desse gruppene til intervju. Kryss derfor av om dette i rekrutteringsportalen. Sjå https://arbeidsgiver.difi.no/positivsaerbehandling.
Tilsette i Økokrim må ha samtykke frå særorgansjefen for å ha bierverv, jf. politiloven § 22 anna ledd.