Konsulent med digital utvikling i fokus

Eininga er i stadig endring – og no har me høve til å styrkje laget vårt med ein ny konsulent i 100% fast stilling på dagtid.

Me søkjer deg som likar varierte arbeidsdagar, trivst med ansvar og ønskjer å bidra til god drift i omsorgstenestene våre.

Stillinga vert forma og utvikla vidare saman med deg og resten av laget.

Ei viktig rolle i kvardagen

Som konsulent vert du ein sentral støttespelar for leiarar og tilsette, med ansvar for å bidra til god flyt, koordinering, oversikt og heilskapleg drift. Du samarbeider tett med dei andre konsulentane, avdelingsleiarane og tilsette på tvers av avdelingane.

Stillinga omfattar mellom anna dagleg innleige og turnusarbeid i samarbeid med avdelingsleiarane, og har ei viktig rolle i den daglege drifta. Ein del av arbeidet vert òg knytt til kunstig intelligens (KI), digital utvikling og ansvar for digitale plattformar i tenesta. Dette er ei spanande stilling for deg som ønskjer å bidra til smarte og framtidsretta løysingar innan helse og omsorg.

Om arbeidsplassen

Ølen omsorgssenter omfattar somatisk langtidsavdeling, korttid og rehabilitering, natteneste og kjøkken. Her er det tre avdelingsleiarar og ein konsulent i 40 % stilling knytt til drifta, i tillegg til deg.

Aktuelle arbeidsoppgåver

• Ressursstyring og koordinering av bemanning
• Innleige ved fråvær, i samarbeid med leiarar og kollegaer
• Turnusarbeid og avviksføring knytt til lønn
• Innkjøp 
• Personalmeldingar ved oppstart og avslutting av arbeidsforhold
• Rekruttering og bemanning
• Digital utvikling og systemansvar for insitusjonsdrift

Kven ser me etter?

Me tenker at du har:

• fagbrev innan kontor/administrasjon eller anna relevant utdanning.
• lang relevant erfaring kan kompensere for formell utdanning.
• gode digitale ferdigheiter.
• gode munnlege og skriftlege norskkunnskapar – kommunen nyttar nynorsk som skriftspråk.

Me tenker at du er:

• ein person som trives med mange oppgåver på gang.
• sjølvstendig, strukturert og tek initiativ.
• samarbeidsvillig, fleksibel og ein person som fin gode løysingar saman med andre.

Personlege eigenskapar vil bli vektlagt.

Me tilbyr

Hos oss får du ein variert arbeidskvardag i eit positivt og inkluderande arbeidsmiljø. Du får faglege utfordringar, høve til utvikling og god opplæring i samarbeid med dyktige kollegaer.

I tillegg tilbyr me:

• gode forsikrings- og pensjonsordningar.
• rabatt på Frisk treningssenter.
• gratis parkering.
• bedriftskunstlag.
• kommunalt kor, KORe’ Vindafjord.
• Lønn etter gjeldande tariff og avtaleverk.

Andre opplysningar:

Ved arbeid i barnehage, skule, barnevern, helse og omsorg, skal det leggast fram godkjent politiattest. Ved arbeid i barnehage, skule eller helse og omsorg skal det leggast fram godkjend dokumentasjon på tuberkulinkontroll før oppstart i jobb dersom du har budd eller opphalde deg i land med høg tuberkuloseførekomst i meir enn tre månadar. Personell i helse og omsorg legga fram helseopplysningsskjema i høve til MRSA.

Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.

Link til søknadsskjema:

Søk her