Utdanningsstilling i spesialsjukepleie

Søk utdanningsstilling og bli spesialsjukepleiar - ta steget mot framtidas helsevesen!

Helse Møre og Romsdal Volda sjukehus har eit behov for spesialsjukepleiarar og no lyser vi ut ei utdanningsstilling innan operasjon. Som spesialsjukepleiar hos oss blir du ein nøkkelperson i utviklinga av framtidas sjukehustilbud i Møre og Romsdal. Du vil jobbe i spesialavdeling saman med dyktige kollegaer og vere med på å forme eit nytenkjande helsevesen. 

Vi søker deg som ønsker fagleg utvikling, interessante utfordringar og ein givande jobb!

Er du klar for å ta neste steg? Bli med oss - din kompetanse gjer ein forskjell!

Vi tilbyr utdanningsstilling for vidareutdanning (90 studiepoeng) i:

• Operasjonssjukepleie Volda sjukehus

For deg som søker operasjonssjukepleie ved NTNU, gjer deg kjent med informasjonen på NTNUs heimesider. Ver merksam på avsnittet om å Avslutte etter 90 studiepoeng, og sjå semesterplan for kull 2026. Utdanningsstillingane gjeld dei som søker master i spesialsjukepleie, og vel utdanningsløpet (90 studiepoeng) og er ferdig uten mastergrad i januar- februar 2028. Helse Møre og Romsdal har avtale med NTNU om praksisstudiar for studentar innan AIO. 

Send inn søknad på utdanningsstilling inklusive vitnemål, tjenestebevis (datert 2026) og referansar innan 17. juli 2026. Ansvarleg leiar i fagmiljøet avgjer kven som får tilbud om utdanningsstilling. 

Primært gjeld tilbodet om utdanningsstilling for sjukepleiar som ikkje allereie er spesialsjukepleiar.

Dersom du får tilbod om utdanningsstilling i Helse Møre og Romsdal, mottek du stønad ut fra gjeldande retningslinjer. Du må ha fått plass på studiested for å få tilbud om denne stillinga. 

Studentar frå alle relevante utdanningsinstitusjonar er velkomne til å søke.

Arbeidsoppgåver

• Følgje studiestadens studieplan, og møte på all undervisning i teori og praksisstudiar
• Arbeide minst 4 veker i løpet av sommaren etter første studieår
• Etter avslutta utdanningsløp får du bindingstid ved sjukehuset, som regel i tredelt turnus

Kvalifikasjonar

• Norsk autorisasjon som sjukepleiar 
• Tildelt studieplass på master i spesialsjukepleie i operasjonssjukepleie
• Minst 2 år med relevant klinisk erfaring som sjukepleiar i 100% stilling ved oppstart av studiet
• Gode norskkunnskapar, både skrifteleg og munnleg

Relevant arbeidserfaring frå spesialisthelsetenesta er ein fordel

Oppgi referansar frå minst to ulike arbeidsgjevarar/tilsetjingsforhold

Personlege eigenskapar

• Vi søker etter deg som er motivert for å utvikle spesialsjukepleiafaget og helsetenesta 
• Du kan stå i endring, er fleksibel, vil jobbe tverrprofesjonelt, og har gode kommunikasjonsevner
• Du er også kunnskapssøkande og har interesse for teknologi og digitale løysingar, og planlegg ei framtid som spesialsjukepleiar i Helse Møre og Romsdal

Personleg eignaheit blir vektlagd

Vi tilbyr

• Utdanningsstillinga innan operasjon har tilbod om 90% løn i 1,5 år av studietida (90 studiepoeng), og det er 2 års bindingstid i 100% stilling, i tredelt turnus, etter avslutta vidareutdanning
• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår
• Etter fullført utdanning tilbys du tilsettingsforhold i HMR

Når du har fått studieplass, last opp bekreftelse på dette i din søknad på Webcruiter og send samtidig e-post via Webcruiter om at du har fått studieplass.

Avdelinga med utdanningsstilling tek gjerne i mot deg for hospitering. Ta direkte kontakt med seksjonsleiar for avtale. 

Søknadsfrist for utdanningsstillinga er 17.07.26

Kontaktinformasjon

Camilla Brungot Kile, Konstituert seksjonsleiar, Camilla.Brungot.Kile@helse-mr.no

Arbeidsstad

Kløvertunvegen 1

6103 Volda

Nøkkelinformasjon:

Arbeidsgivar: Helse Møre og Romsdal HF

Referansenr.: 5154222603

Stillingsprosent: 100%

Utdanningsstilling

Søknadsfrist: 17.07.2026