Kunnskap som formar samfunnet
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
Video:
https://youtu.be/M5n6RnScNgAForskar:
Ved Michael Sars-senteret er det ledig ei mellombels stilling som forskar i evolusjonær og utviklingsbiologisk nevrobiologi. Stillinga er for ein periode på 9 månader og finansiert av Universitetet i Bergen. Føretrekt oppstart er i september/oktober 2026, men kan avtalast nærare.
Om prosjektet/arbeidsoppgåver:
Burkhardt-gruppa kombinerer komparative biologiske system i laboratoriet for å forstå når og korleis dei første synapsane, nevrona og nervesystema oppstod i evolusjonen. Gruppa har særleg interesse i å studere nervesystemet hos ctenoforar (ribbemanetar). Ribbemanetar – sterke kandidatar til å vere søstergruppa til alle andre dyr – er vakre, men framleis gåtefulle marine organismar. Gitt deira fylogenetiske plassering, vil karakterisering av nervesystemet hos ribbemanetar kunne gi grunnleggjande innsikt i den evolusjonære opphavet til nevrona.
Vi søkjer ein svært sjølvstendig og motivert forskar med interesse for evolusjonsbiologi, nevrobiologi og cellebiologi. Prosjektet vil fokusere på utviklinga av nervenettet hos ribbemanetar og korleis fusjonerte nevrittar i nervenettet blir danna. Den tilsette vil gjennomføre forsking ved hjelp av enkeltcelle-RNA-sekvensering, elektronmikroskopi og transgene rapportørlinjer for å forstå utviklinga av nervenettet. Kandidaten vil arbeide tett saman med gruppeleiaren og dei andre medlemane i laboratoriet.
Kvalifikasjonar og eigenskapar:
- Søkjarar må ha oppnådd ein grad tilsvarande ein norsk doktorgrad (PhD) innanfor fagområde relevante for prosjektet eller ha levert doktoravhandlinga si til vurdering innan søknadsfristen er ute. Det er ein føresetnad at doktorgraden er oppnådd før tilsetjing kan skje.
- Praktisk erfaring med enkeltcelle-RNA-sekvensering, analyse av enkeltcelle-RNA-sekvenseringsdata og bruk av generelle programmeringsspråk (R og/eller Python) er eit krav
- Praktisk erfaring med dyrestell (helst med ribbemanetar) og med mikroinjeksjonar er eit krav
- Praktisk erfaring med in situ-hybridisering (ISH), hybridization chain reaction og immunfluorescensmikroskopi (t.d. konfokal-, spinning disk- og/eller lysarkmikroskopi) er ein fordel
- Søkjarar må kunne arbeide sjølvstendig, strukturert og ha gode samarbeidsevner
Søkarar må ha gode engelskkunnskapar, skriftleg og munnleg.
Personlege og mellommenneskelege eigenskapar vil bli lagt vekt på. Forskingsrøynsle, ambisjonar og potensial vil også telle ved vurdering av kandidatane.
Vi kan tilby:
- eit godt og fagleg stimulerande arbeidsmiljø
- stilling som forskar (kode 1109 i hovudtariffavtalane i staten) og brutto årsløn på kr. 685 900,- ved tilsetjing. Vidare opprykk skjer etter stillingsansiennitet. For særleg kvalifiserte søkjarar kan det bli aktuelt å vurdere høgare løn.
- medlemsskap i Statens pensjonskasse
- gode velferdsordningar
Søknaden skal innehalde:
- ei kort utgreiing om søkjaren sine forskingsinteresser og motivasjonen for å søkje stillinga
- namn og kontaktopplysningar til to referansar. Ein av desse bør vere hovudrettleiaren frå doktorgradsutdanninga.
- CV
- karakterutskrifter og vitnemål. Dersom du enno ikkje har fullført doktorgraden må du levere ei stadfesting på at doktorgradsavhandlinga er levert.
- relevante attestar
- liste over vitskaplege arbeid (publikasjonsliste)
Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.
Generell informasjon:
Utfyllande opplysningar om stillinga kan ein få ved å vende seg til: gruppeleiar Pawel Burkhardt, epost: pawel.burkhardt@uib.no eller administrasjonssjef Kristina Håvås Hanson, epost: Kristina.hanson@uib.no
For HR-relaterte spørsmål ta kontakt med HR rådgivar Veronica Stålhand, tel: +47 55 58 43 74, epost: veronica.stalhand@uib.no.
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.
Nærare om tilsettingsprosessen her.