60% vikariat som pedaogisk leiar ved Jondal barnehage

Ledig vikariat som pedagogisk leiar i 60 % stilling i Jondal barnehage frå oktober 2026 - august 2027

 

Jondal barnehage er ein 4 avdelings barnehage med 54 barn, som ligg sentralt i Jondal sentrum ved sida av barneskule, bibliotek, idrettshall og symjehall, og har mange flotte turområde i nærleiken.

Barnehagen jobbar med å skape eit inkluderande barnehagemiljø. Me ynskjer å laga gode kvardagar for små og store i barnehagen gjennom relasjonsbygging i dei daglege aktivitetane og skapa gode rom for leik og vennskap.

Du er robust, tolmodig, likar å samarbeide og har evne til å skape gode relasjonar og vere løysingsorientert. 

Kompetanse: Barnehagelærar.

Kvalifikasjonar:

• Utdanning: Barnehagelærarutdanning eller tilsvarande jf. Barnehageloven §25

• Erfaring er ynskjeleg

• Evne til å jobba målretta og systematisk

• Personlege eigenskapar- og interesse for faget

• Norskkunnskapar tilsvarande nivå A2 i skriftleg framstilling og nivå B1 i leseforståing, lytteforståing og munnleg kommunikasjon

Personlege eigenskapar:

• Sjå barn, føresette og kollegaer som betydningsfulle og viktige for fellesskapet

• Evne til å fylja opp mål som er sett og implementera dei i aktivitetar for og med barna

• Evne til refleksjon, gjera vurdering og sette inn tiltak til det beste for barna

• Evne til å arbeida sjølvstendig

• Evne til å samarbeida

• God kommunikasjon, få og gi tilbakemelding

• Evne til å arbeida målretta og strukturert

• Fleksibel

• Godt humør og positiv innstilling

• Fokus på kvalitet i tenesta

Krav:

• Politiattest, ikkje eldre enn 3 mnd

Me kan tilby:

• Varierte arbeidsoppgåver i eit travelt, men kjekt arbeidsmiljø

• Løn etter hovudtariffavtalen

• Løn etter avtale (avhengig av stilling)

• Ullensvang kommune har inkluderande arbeidsliv (IA), fleksibel arbeidstid og gode permisjons- og pensjonsvilkår.

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.

For å gjera unntak må kommunen ha heimel i lova og vurdera konkret i kvar sak kva som er grunnen til unntaket.

I følgje offentleglova § 25 vert det stilt følgjande krav for å få unntak:

"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/

Link til søknadsskjema:

Søk her