Prosjektleiar

Eigedomsavdelinga er Vestland fylkeskommune si fagavdeling for bygge- og eigedomssaker. Avdelinga skal ivareta fylkeskommunen sin eigar- og byggherrefunksjon og er ansvarleg for forvaltning, drift, reinhald, vedlikehald, og utvikling av fylkeskommunen sine eigedomar. Samla areal på eigedomsmassen er over 800.000 m², og utgjer vidaregåande skular, tannklinikkar, kollektivanlegg, kultur- og administrasjonsbygg.  

Arbeidsoppgåver

Seksjon for utbygging har ansvar for gjennomføringa av alle investeringsprosjekt innan bygg i Vestland fylkeskommune. Vi ser no etter ein engasjert medarbeidar i eit aktivt miljø. Arbeidsoppgåvene er utvikling, planlegging og gjennomføring av ulike bygge- og rehabiliteringsprosjekt. Prosjektleiaren har ei sentral rolle som skal sikre at prosjekta blir gjennomført i samsvar med interne rutinar og krav knytt til økonomi, framdrift, kvalitet, miljø og tryggleik. Prosjektleiaren er bindeleddet for å sikre eit godt samspel med tilsette, brukarar og andre samarbeidspartar internt og eksternt. 

Kvalifikasjonar

Vi søker etter kandidatar som har høgare utdanning på master eller minimum bachelornivå innan bygg- eller tekniske fag. Anna dokumentert, relevant realkompetanse kan erstatte utdanningskravet. Relevant praksis frå arbeidsområdet er positivt, men velkvalifiserte nyutdanna vil òg bli vurderte. Vi legg til rette for kompetansebygging gjennom å dele erfaring, arbeid i ulike  prosjektgrupper og kurs. Oppfølgjing av ulike prosjekt kan i periodar medføre litt reising så du treng førearkort klasse B.

Personlege eigenskapar

Vi søker medarbeidarar som bidreg positivt til arbeidsmiljøet og utviklinga av avdelinga. Vi legg vekt på ei positiv innstilling, interesse for oppgåvene og at du kjenner deg igjen i verdiane våre som er open, kompetent og modig. Stilinga er krevande og krev gode leiareigenskapar og samarbeidsevner. Du må ha evne til å ta ansvar, arbeide sjølvstendig og ha god norsk framstillingsevne , munnleg og skriftleg. 

Vi tilbyr

Hjå oss får du utfordrande og spennande arbeidsoppgåver i eit sterkt og inkluderande fagmiljø. Vi søker å legge til rette for ei god fagleg utvikling og gradvis tilpasse ansvar og oppgåver. Løn etter avtale og vi har gode forsikrings - og pensjonsvilkår. Vi har ei fleksibel arbeidstid og ordning med heimekontor etter avtale.

Kontaktinformasjon

Jan Tore Rosenlund, utbyggingssjef, 91674735

Arbeidsstad

Lars Hilles gate 22

5008 Bergen

Nøkkelinformasjon:

Arbeidsgivar: Vestland fylkeskommune

Referansenr.: 5163547748

Stillingsprosent: 100%

Fast

Søknadsfrist: 08.09.2026