Einingsleiar helse og rehabilitering
Ved eining for helse og rehabilitering, avdeling Bu, miljø og meistring, har vi ledig fast stilling som avdelingsleiar.
Avdelinga har ansvar for tenester til personar med behov for hjelp og oppfølging innan psykisk helse og rus, i tett samarbeid med avdeling for psykisk helse og rus.
Dei to avdelingane tilbyr mellom anna ROP-butiltak, miljøarbeid, praktisk bistand, lågterskel gruppetilbod, dagsenter, LAR-utlevering og individuell poliklinisk behandling og oppfølging. Nokre av tenestene er lågterskeltilbod, medan andre er vedtaksbaserte.
Som avdelingsleiar for Bu, miljø og meistring vil du ha kontor på Basen og arbeide tett på både brukarar og tilsette i medleverturnus. Du blir ein viktig lagspelar og vil ha ei sentral rolle i å sikre god flyt og kvalitet i den daglege drifta.
Du blir ein del av leiargruppa i eining for helse og rehabilitering. Eininga omfattar avdelingane Bu, miljø og meistring, psykisk helse og rus, legetenesta og fysio-, ergo- og hjelpemiddeltenesta.
Vakre Sveio ligg midt i storregionen mellom Boknafjorden og Bjørnafjorden.
Dei vel 5.750 sveibuane har kort veg til alle servicefunksjonar og tilgjenge til ein stor og variert arbeidsmarknad på Haugalandet og i Sunnhordland.
Sveio kommune er kombinasjonen av landleg idyll og urbane kvalitetar.