Om stillinga
Vi søkjer ein engasjert og serviceinnstilt medarbeidar til eit eittårsvikariat som helsesekretær frå 4. januar 2027, med moglegheit for fast tilsetting. Har du annan relevant helsefagleg kompetanse, kan du òg vere aktuell for vikariatet.
Hos oss blir du ein viktig del av eit tverrfagleg arbeidsmiljø, der godt samarbeid og god pasientflyt står sentralt. Stillinga inneber varierte kontorfaglege oppgåver, bruk av digitale løysingar og arbeid med å sikre gode og effektive arbeidsprosessar i kvardagen.
Ved Austrheim legekontor arbeider det to fastlegar, to LIS1-legar og kommuneoverlege. I tillegg har kontoret tre stillingar for hjelpepersonell, fordelt på to sjukepleiarar og éin helsesekretær. Du blir dermed del av eit lite og oversiktleg arbeidsmiljø med tett samarbeid mellom ulike faggrupper.
Austrheim legekontor er ein aktiv og variert arbeidsplass med fastlegepraksis og daglegevakt. Legane ved kontoret har òg tilsynslegefunksjon ved sjukeheimen og legefunksjon ved helsestasjonen. Dette gir ein variert arbeidskvardag og eit breitt fagleg miljø.
Arbeidsoppgåver
- Arbeidet består av relevante oppgåver ved legekontoret, mellom anna resepsjon, telefonkontakt, laboratorieoppgåver og prosedyrearbeid.
- Kontorfaglege oppgåver
- Medansvar for kontroll av medisinsk-teknisk utstyr
- Oppfølging knytt til HELFO-registrering
- Det vil vere rotasjon på ein del av oppgåvene
Kvalifikasjonar
Kvalifikasjonskrav
Ønskte kvalifikasjonar
- Erfaring frå arbeid ved legekontor eller legevakt
- Kjennskap til HELFO-registrering
- Erfaring med Infodoc eller andre journalsystem
- Førarkort klasse B
Kven ser vi etter?
Vi ønskjer deg som er framoverlent og blir motivert av utviklingsarbeid. Du er serviceinnstilt og har gode samarbeidsevner. Du arbeider sjølvstendig, samtidig som du trivst godt med å jobbe i team. Du er effektiv, ansvarleg og løysingsorientert. I ein aktiv og variert arbeidskvardag er du fleksibel og evnar å prioritere og omstille deg når situasjonen krev det.
Vi tilbyr
- Du blir ein del av eit viktig samfunnsoppdrag, der du arbeider tett på pasientar, pårørande og kollegaer.
- Du får ein utfordrande, variert og spennande arbeidskvardag i eit godt arbeidsmiljø med erfarne medarbeidarar.
- Varierte arbeidsoppgåver
- Moglegheit for kompetanseutvikling innan fagområdet
- Moglegheit til å delta i utviklingsarbeid
- God pensjonsordning gjennom KLP
- Tilsetjing i samsvar med gjeldande lov- og avtaleverk
Heim til Austrheim
Vi bygger framtida i opne landskap med eit ope sinn. Her får du moglegheita til å jobbe i eit inspirerande miljø, omkransa av natur og engasjerte kollegaer. Bli ein del av eit fellesskap som verdset trivsel, samarbeid og utvikling - både for innbyggjarane og for deg som arbeidstakar.
Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Austrheim.
Video: https://www.youtube.com/watch?v=cAPEqSQlYUg