EL3/IL2 Avsnittsleiar førebygging og etterretning

Om stillinga

Er du vår nye leiar av avsnitt for førebygging og etterretning i Kristiansund?

Som avsnittsleiar vil du ha fag- og personalansvar og ansvar for måloppnåinga ved avsnittet. Avsnittet er ansvarleg for å bearbeide innhente etterretningsinformasjon, og har ansvar for tiltak og oppfølging av det kriminalitetsførebyggande arbeid i kommunane Averøy, Kristiansund og Gjemnes.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Vi oppmodar særskilt kvinner om å søke på politileiarstillingar.

Dette ser vi etter hos ein ny medarbeidar

Vi søkjer deg med gode leiareigenskapar som har evne til å sette tydelege mål og retning, og drive endring og vidareutvikling av avsnittet. Ønskjer du også å skape resultat i samhandling med andre og har god evne til å motivere, støtte og utvikle andre? Då kan dette vere stillinga for deg. 

Vidare søkjer vi leiarar som opptrer profesjonelt til ei kvar tid og fungerer som gode ambassadørar for politiet gjennom handlingane sine i det daglege arbeidet. Evna til å vere trygg, nærverande, lydhøyr og å byggje tillit hos medarbeidarar og publikum, er avgjerande for suksess i organisasjonen vår.

I vurderinga vår av kandidatar er mellom anna dette noko vi vil leggje vekt på, i tillegg til evna til å bidra til eit inkluderande og respektfullt arbeidsmiljø.

Arbeidsoppgåver

• personal- og resultatansvar for avsnittet
• dagleg leiing og koordinering av etterretningsprosessen (EL3) / innhentingsleiar (IL2) på Nordmøre
• fagansvar for det førebyggande arbeidet ved Kristiansund politistasjon
• samhandle med interne og eksterne aktørar
• operativt førebyggjande arbeid gjennom til dømes foredragsverksemd og ungdomsoppfølging
• kontaktpunkt mot media når det gjeld det førebyggjande arbeidet
• identisere og vareta prioriterte etterretningsbehov og formidle relevant etterretning
• utvikle godt medarbeidarskap, ønskt kultur og god medarbeidartilfredsheit på eige avsnitt
• vareta HMS-perspektivet i arbeidet
• kan vere aktuell for rolla som politikontakt
• mogelegheit for IP4-godkjenning 
• kan påleggast andre oppgåver

Kvalifikasjonar

Dette må du ha for å vere kvalifisert: 

• fullført og bestått politi(høg)skule
• brei erfaring frå relevante fagområde politiet
• oppnådd gode resultat i tidlegare stillingar
• god skriftleg og munnleg formidlingsevne på norsk og engelsk
• plettfri vandel og vere skikka for teneste for å kunne bli tilsett i politiet. Uttømmande og utvida politiattest skal hentast inn og leggjast fram før ei eventuell tilsetjing. Ved vurderinga av om du er skikka for teneste i politiet, kan det bli henta inn opplysningar om deg frå registra til politiet.

Det er også ønskjeleg med

• relevant leiarerfaring
• relevant leiarutdanning
• kunnskap om arbeid innan helse, miljø og tryggleik
• erfaring og/eller utdanning innan førebygging/etterretning

Personlege eigenskapar

• det vert lagt vekt på gode leiareigenskapar herunder evne til å motivere og utvikle medarbeidarar 
• kan sette retning, drive endring og skape resultat i samhandling med andre
• gode evner til kommunikasjon og relasjonsbygging
• heilskaps- og samfunnsorientert, har forståing for eininga si rolle i politiet sitt samfunnsoppdrag
• løysingsorientert og fleksibel 

Personlege eigenskapar vert vektlagt.

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

• ei utviklande stilling for deg som vil vere med og forme politiet for framtida
• fast stilling som avsnittsleiar, stillingskode 0287 politioverbetjent, frå kr. 740 000 til kr. 800 000 brutto per år. For særskilt kvalifiserte kan noko høgare lønnsplassering bli vurdert.
• godtgjersle etter gjeldande ATB belastande unntak, for tida kr. 44 708, og  tillegg for eventuell turnusteneste
• medlemskap i Statens pensjonskasse som gir deg mange gode. Les meir om tilsettingsgoda dine på spk.no/medlemskap-i-spk. Det blir trekt to prosent frå lønna til innskot i Statens pensjonskasse.
• fleksibel arbeidstid og moglegheit for trening i arbeidstida
• tilknyting til bedriftshelsetjeneste og fordelar ved å tilhøyre ei IA-bedrift

Tilsetting skjer på vilkår fastsett i statsansatteloven og personalreglement for politiet, derunder at prøvetida er seks månadar. 

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video:

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.