Sjukepleiar søkes til Svertingstad- og Kolheia bufellesskap

Vil du gjera ein forskjell?

Ønskjer du ein meiningsfull arbeidskvardag der du får nytta den sjukepleiefaglege kompetansen din til å gjera ein forskjell for menneske med psykiske helseutfordringar og ROP-lidingar?

Svertingstad og Kolheia bufellesskap er ein del av verksemda Psykisk helse og rus i Time kommune. Bufellesskapa er organiserte som ei avdeling, med eit felles fagmiljø som samarbeider tett for å gje gode og heilskaplege tenester til innbyggjarane.

Svertingstad bufellesskap

• er døgnbemanna
  
• gir tenester til vaksne innbyggjarar med samansette behov
  
• har fokus på auka meistring, sjølvstende og livskvalitet
  
• arbeider med individuelt tilpassa oppfølging, relasjonsarbeid og målretta miljøterapeutisk arbeid

Kolheia bufellesskap

• gir tenester til vaksne innbyggjarar med psykiske lidingar
  
• er ikkje døgnbemanna

Hos oss blir du ein del av eit engasjert og tverrfagleg arbeidsmiljø med sjukepleiarar, vernepleiarar, miljøterapeutar og fagarbeidarar som brenn for å gjera ein positiv forskjell i kvardagen til dei me følgjer opp.

Me legg vekt på:

• fagleg kvalitet
  
• respekt og gode relasjonar
  
• samarbeid og tverrfagleg arbeid
  
• fagleg utvikling
  
• engasjement og ansvar

Me søkjer no etter sjukepleiarar til to stillingar:

• ein sjukepleiar i 67 % fast stilling på natt ved Svertingstad bufellesskap, våkne nattevakter med arbeid kvar 3 helg
• eit 100 % vikariat for sjukepleiar, frå 25.01.2027 til 23.01.2028. Ordinær turnus med dag-, kveld- og langvakter. Arbeid kvar fjerde helg med langvakter

Bli ein del av laget vårt

Hos oss får du høve til å bli ein del av eit sterkt fagmiljø og vera med på å vidareutvikla tenestene til menneske med psykiske helse- og rusutfordringar.

Kvar arbeidsdag gir deg høve til å gjera ein reell forskjell i andre menneske sine liv. Me håpar du vil bli ein del av laget vårt!

Arbeidsoppgåver

Som sjukepleiar hos oss vil du ha varierte og fagleg utfordrande arbeidsoppgåver. Du vil mellom anna:

• ha sjukepleiefagleg oppfølging av innbyggjarar med psykiske helseutfordringar og/eller rusutfordringar
  
• kartleggja, observera og gjera kliniske vurderingar av psykisk og somatisk helsetilstand
  
• følgja opp somatiske helseutfordringar, inkludert sårstell og sårbehandling
  
• ha ansvar for legemiddelhandtering i tråd med gjeldande rutinar og regelverk
  
• utarbeida, følgja opp og evaluera tiltaksplanar og helsehjelp
  
• utføra målretta miljøterapeutisk arbeid med fokus på meistring, sjølvstende og livskvalitet
  
• dokumentera og journalføra i elektronisk pasientjournal
  
• bidra til å førebyggja og handtera utfordrande situasjonar på ein fagleg og trygg måte
  
• samarbeida med fastlege, spesialisthelsetenesta, NAV, pårørande og andre aktuelle samarbeidspartnarar
  
• gi rettleiing og fagleg støtte til kollegaer og studentar
  
• delta i fagutvikling, kvalitetsforbetring og vidareutvikling av tenestene
  
• bidra til eit trygt, inkluderande og fagleg sterkt arbeidsmiljø

For 67 % fast stilling som vaken nattevakt

I nattstillinga vil du i tillegg ha eit sjølvstendig sjukepleiefagleg ansvar gjennom natta. Arbeidsoppgåvene vil mellom anna vera:

• oppfølging av innbyggjarane gjennom natta
  
• observasjon og vurdering av endringar i psykisk og somatisk helsetilstand
  
• handtering av akutte situasjonar og sjølvstendige helsefaglege vurderingar
  
• oppfølging av sår, infeksjonar og andre somatiske problemstillingar ved behov
  
• vurdering av behov for kontakt med legevakt, ambulanse eller andre helsetenester
  
• fagleg støtte, rettleiing og opplæring til andre tilsette som arbeider natt
  
• bidra til kompetanseheving og fagleg tryggleik
  
• sikra ro, tryggleik og kontinuitet i tenestene gjennom natta
  

Kvalifikasjonar

Me ser etter deg som har:

•  norsk autorisasjon som sjukepleiar
  
• gode norskkunnskapar, både munnleg og skriftleg
  
• grunnleggjande digitale ferdigheiter og evne til å nytta elektronisk pasientjournal og aktuelle fagsystem
  
• førarkort klasse B

Det er ein fordel om du har:

• erfaring frå arbeid innan psykisk helse og rus
  
• erfaring med miljøterapeutisk arbeid
  
• erfaring med oppfølging av personar med samansette utfordringar
  
• god kompetanse innan observasjon, vurdering og oppfølging av både psykisk og somatisk helse

Nyutdanna sjukepleiarar vert òg oppmoda om å søkja.

Du må laste opp relevante vitnemål og attestar. Vitnemål og/eller karakterutskrift kan du henta frå Vitnemålsportalen. Har du utdanning frå utlandet må du leggja ved generell og/eller yrkesgodkjenning frå Direktoratet for høgare utdanning og kompetanse (HKdir).

Personlege eigenskapar

• Gode samarbeidsevner, både internt og eksternt, og kunne bidra positivt i jobbfellesskapet
  
• Evne til å kunne arbeide sjølvstendig og ta initiativ til oppgåver som må gjennomførast
  
• Villig til å ta fatt på nye arbeidsoppgåver etter kvart som organisasjonen endrar seg
  
• Du må like utfordringar, vere engasjert og løysingsorientert
  
• Evne til å ta ansvar for eigen utvikling og ta til deg ny kunnskap
  
• Du må ha gode kommunikasjonsevner og framstå klar og tydeleg
  
• Det krevst gode norskkunnskapar, og både skriftleg og munnleg framstillingsevne vil bli vektlagt i tilsetjingsprosessen
• bidreg til gode relasjonar med innbyggjarar, pårørande, kollegaer og samarbeidspartnarar

Vi tilbyr

• Gode pensjonsordningar 
• Løn etter tariff
• Ein spennande, variert og fagleg utfordrande arbeidsplass i eit godt arbeidsmiljø
  
• Nært samarbeid med eit breitt fagmiljø i ein organisasjon i utvikling

Der det er lovkrav om det, må politiattest registreres før første arbeidsdag tar til.

Kontaktinformasjon

Astrid Rosland, Avdelingsleder, 95915934

Arbeidsstad

Arne Garborgs veg 30

4344 Bryne

Nøkkelinformasjon:

Arbeidsgivar: Time kommune

Referansenr.: 5184526182

Stillingsprosent: 100%

Anna

Startdato: 25.01.2027

Søknadsfrist: 08.11.2026