Sjukepleiar i heimesjukepleien i Odda
Ved Heimebaserte tenester Odda (Heimesjukepleie sone Eide og sone Sentrum, heimehjelp og dagsenter for demente) har vi ledig 2 x 100 % stilling som sjukepleiar.
Vil du vere med og forme framtidas heimetenester i ein kommune som satsar på rett oppgåvedeling og fleksible arbeidstidsordningar? Vi har ledig spanande sjukepleiarstillingar i Odda, og treng deg med på laget for å yte tenester til det beste for innbyggjarane våre!
Vi har organisert sjukepleiartenesta med fokus på rett oppgåvedeling, og har eigne ruter for sjukepleiaroppgåver.
Vi tilbyr deg
Skreddarsydd arbeidstid: Vi prøver ut fleksible ordningar i årsturnus, som 13,5-timersvakter (langvakter) med gode friperiodar, kombinert med reine dagtidsstillingar eller ordinær turnus. Vi tilpassar turnusen i stor grad etter dine behov.
Gode rekrutterings- og lønstillegg:
25 000 kr ekstra i året for å gå i turnus.
Rekrutteringsbonus: 50 000 kr etter 1 år og nye 50 000 kr etter 2 års tilsetjing.
Trygg oppstart: Inkluderande arbeidsmiljø med dedikert fadder/rettleiar for nytilsette.
Fagleg utvikling: Gode stipendordningar for deg som ønsker vidareutdanning.
Kvalifikasjonar
Autorisert sjukepleiar (vernepleiarar oppmodast også til å søke og vil verte vurdert).
Førarkort klasse B.
Gode norskkunnskapar, både skriftleg og munnleg (krav om B2 er ikkje eit absolutt hinder for å søke).
Gyldig politiattest må leggjast fram før tiltreding.
Kven er du?
Er fagleg engasjert, nyfiken på ny kunnskap og har evne til nytenking.
Er opptatt av å yte tenester av høg kvalitet til brukarane våre.
Trivst i ein variasjonsrik kvardag og tåler å ta ansvar når det trengs.
Har gode samarbeidsevner på tvers av faggrupper og er open for å gi og ta rettleiing.
Er fleksibel, positiv og likar faglige utfordringar.
Mykje skjer i kommunen vår- vi har eit rikt fritids og kulturliv, med kort veg til fjord og fjell.
Siderfestival
Morellfestival
Positive døgn
Sus og dus
Blueshelg
Litteratursymposiet
Om dette pirrar nysgjerrigheita, kan du og gå inn på vår nettside og få meir info om kommunen: https://ullensvang.kommune.no/seksjon/ny-i-ullensvang/
Sletting av utdanningsgjeld/studielån:
Ullensvang kommune er omfatta av ordninga.
Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.
Til orientering om Offentleglova:
Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.
Arbeidsavtalar i Ullensvang kommune:
Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/
Link til søknadsskjema:
Søk her- ein ny, livskraftig og attraktiv kommune i Hardanger.
Ullensvang kommune er ein attraktiv stad å bu, arbeida og starta næringsverksemd! Vi kan tilby spennande og meiningsfulle arbeidsoppgåver i ein kommune som er i utvikling. Her finn du fjord, fjell, fonn, frukt, landbruk, havbruk og verdsleiande industri i ein og same kommune. Kommunen har omlag 10 967 innbyggjarar, der Odda er administrasjonssenter i kommunen omkransa av sterke bygder.
Oppdraget vårt er å levera gode tenestar, vera ein god samfunnsutviklar og arbeide for vidare vekst og utvikling i kommunen. Gjennom motiverte og dyktige medarbeidarar løyser vi dette viktige samfunnsoppdraget, og ynskjer å ha fleire med på laget.
Vi ønsker medarbeidarar med ulik bakgrunn, fagkombinasjonar, kompetanse, livserfaring og perspektiv. Det gir oss eit mangfaldig arbeidsmiljø som set oss betre i stand til å løysa oppgåvene. I Ullensvang kommune er vi opptekne av mangfald og inkludering, det er viktig for oss å ha ein arbeidsstyrke som representerer befolkninga. Vi oppmodar alle som er kvalifisert til å søkja, uavhengig av alder, kjønn og kjønnsidentitet, funksjonsevne, livssyn eller etnisk bakgrunn. Vi legg til rette arbeidsplassen ved behov.
Tar du utfordringa ?
Lenkjetekst
Tilgjengelegheitserklæring for nettsidsa
Lenkje
https://uustatus.no/nn/erklaringer/publisert/bac52677-0999-4760-90dd-d3d03abdaf49