IT-medarbeidar

Høgskulen på Vestlandet, Avdeling for informasjonsteknologi og -tenester har ledig fast stilling i 100 % som IT-medarbeidar

Brukarretta tenester (ITBT) sørger for at teknisk utstyr fungerer trygt og effektivt der det trengst – i undervisingsrom, auditorium, møterom, på reise og på kontoret. Eininga tilbyr støtte, rettleiing og praktisk tilrettelegging, og bidreg til gode brukaropplevingar i

heile organisasjonen. Hos oss får du ei sentral rolle i møte med brukarar, kollegaer og samarbeidspartnarar, og du blir del av eit fagmiljø som arbeider praktisk, løysingsorientert og tett på kjerneverksemda ved HVL.

Arbeidsstaden er campus Stord.

Ansvars- og arbeidsoppgåver:

• Drift, programmering, feilretting og oppfølging av AV-utstyr i undervisningsrom og møterom ved campus Stord
• Rettleiing, brukarstøtte og lokal oppfølging av tilsette og studentar
• Oppfølging og rettleiing av lærlingar
• Deltaking i prosjekt, utskiftingar og oppgraderingar knytt til IT- og AV-tenester
• Leie eller koordinere interne prosjekt i eininga ved behov
• Stillinga kan også bli tillagt andre arbeidsoppgåver innanfor eininga sitt

  ansvarsområde

• Ved tilsetting som overingeniør kan også koordinering/administrasjon av større eller fleire einingar, og også utstyrsutvikling, vere aktuelle ansvars- og arbeidsoppgåver.

Kvalifikasjonskrav:

Formell utdanning og kompetanse:

• For tilsetting som teknikar: 
  • 3-årig vidaregåande skule eller tilsvarande, helst relevant tilleggsutdanning og praksis frå sjølvstendig arbeid
  • Minimum 2 års relevant arbeidserfaring
• For tilsetting som avdelingsingeniør: 
  • 3-årig høgskuleutdanning som ingeniør eller utdanning av tilsvarande lengde og omfang innan relevant fagområde. Realkompetanse med relevans for dei konkrete oppgåvene tillagt stillinga kan erstatte utdanningskravet (minimum 10 år).
  • Relevant praksis/røynsle eller vidareutdanning.
• For tilsetting som overingeniør:
  • Krav om utdanning på minimum bachelornivå. Realkompetanse med relevans for dei konkrete oppgåvene tillagt stillinga kan erstatte utdanningskravet.
  • Omfattande og relevant arbeidserfaring, både direkte fagkompetanse og eventuelt leiarerfaring, i tråd med hovudarbeidsfeltet til stillinga.
• For alle søkjarar er det krav om:
  • Erfaring frå brukarstøtte, servicedesk eller 1. linje IT-tenester
  • God teknisk forståing og evne til å setje seg inn i nye system, verktøy og arbeidsprosessar
  • God serviceforståing og evne til å møte studentar og tilsette på ein trygg og profesjonell måte
  • God munnleg og skriftleg framstillingsevne på norsk og engelsk

Personlege eigenskapar:

• Serviceinnstilt og oppteken av å finne gode løysingar for studentar og tilsette
• Sjølvstendig, strukturert og trygg i handtering av lokale driftsoppgåver
• Gode samarbeidsevner og evne til å arbeide godt i team på tvers av campus og fagmiljø
• Evne til å prioritere mellom løpande brukarstøtte, feilretting, utviklingsarbeid og prosjekt
• Grundig og kvalitetsbevisst, med evne til å sjå samanhengar og heilskap
• Personlege eigenskapar som gjer søkjaren skikka til stillinga, vil bli vektlagde

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving og utvikling
• Høve for trening i arbeidstida

Stillinga er løna etter Statens lønsregulativ, i stillingskode 1091 - teknikar, i stillingskode 1085 - avdelingsingeniør eller i stillingskode 1087 overingeniør.

Frå løna vil det bli trekt 2 % innskot til Statens pensjonskasse.

Korleis søke på stillinga?

Send søknad og CV ved å klikke på knappen merka ”Søk stilling” på denne sida.

Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadar kan ikkje sendast på e-post til enkeltpersonar ved høgskulen.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.

Arbeids- og opphaldsløyve i Norge er ein føresetnad for å tiltre stillinga. 

Høgskulen på Vestlandet er underlagt eksportkontrollforskriften. Forskrifta kan komme til anvending i behandlinga av søknadane.

Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.

Inkludere, utfordre og samhandle

Les meir på våre heimesider.