Forskar (15%)  ved Institutt for biomedisin

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video:

https://youtu.be/M5n6RnScNgA

Forskar 

Ved Det medisinske fakultet, Institutt for biomedisin (IBM), er det ledig ei mellombels stilling som forskar (15 %) for 18 månader.

Stillinga er ekstern finansiert, og er knytt til prosjektet "Cytokine autoantibodies reveal monogenic inheritance of endocrine autoimmunity.". Oppstart i stillinga er 1. november 2026.

Om prosjektet og arbeidsoppgåver/forskingsområde:

• Genetisk variantanalyse og tolking
• Opplæring av andre i genetisk metodikk og tolking av resultat
• Veiledning av studenter på master og PhD-nivå
• Sette genetiske funn i samanheng med:  pasienten sin fenotype (kliniske funn) og familiehistorie
• Knutepunkt opp mot databasar, og genetiske miljø i Bergen og nasjonalt
• Rapportering og dokumentasjon
• Forsking og artikkelskriving
• Samarbeid med fagfelt andre i prosjektet

Kvalifikasjonar og eigenskapar:

• Søkjar må ha relevant norsk ph.d.-grad eller tilsvarande utanlandsk doktorgrad.
• Søkjar må ha dokumenterte vitskaplege kvalifikasjonar innan genetikkfeltet.
• Det vert lagt vekt på god klinisk kompetanse innan genetikk og brei erfaring med tolking av genetiske variantar i diagnostisk samanheng 
• Søkjar må ha god kjennskap til relevante verktøy for genetisk analyse og tolking, fortrinnsvis Alamut, Franklin, UCSC, ClinVar og GnomAD.
• Det er ein fordel om søkjar har godt nettverk innan genetisk tolking i innland og utland
• Erfaring frå forsking vil bli tillagt vekt.
• Det er ønskjeleg at søkjar har erfaring med rettleiing, undervisning og utarbeiding av forskingssøknadar.
• Evne til sjølvstendig arbeid så vel som gode samarbeidsevner vil bli vektlagt.
• Kandidaten må ha høg arbeidskapasitet og vere motivert for forsking.
• Søkjar må ha svært gode munnlege og skriftlege ferdigheiter i både norsk og engelsk.

Personlege eigenskapar blir vektlagd ved vurderinga. 

Vi kan tilby:

• Eit godt og utfordrande arbeidsmiljø i forskingsfronten innan genetikk og immunologi
• Løn for tida kr 690 000 i årsløn ved 100 % stilling, (kode 1109) i lønsregulativet til staten ved tilsetjing. For søkjarar med spesialitet er løn for tida kr 710 000, brutto pr. år for ei fulltidsstilling. For særleg kvalifisert søkjar kan det verte aktuelt å vurdere høgare lø. 
• Medlemsskap i Statens pensjonskasse 
• Gode velferdsordningar

Søknaden skal innehalde:

• Eit søknadsbrev der du skriv om din motivasjon, kvifor du søkjer stillinga og kvifor du passer til denne
• Ei oversikt over utdanning og arbeidserfaring (CV)
• Attesterte kopiar av vitnemål og relevante attestar (Søkjarar med utanlandsk utdanning må leggje ved både vitnemål på original språket og autoriserte omsetjingar)
• Publikasjonar, vitskaplege/faglege arbeid du ønskjer at det skal takast omsyn til ved vurderinga (maks 10 i PDF-format) og ei liste over desse
• Doktorgradsavhandlinga (i PDF-format)

• To referansar (namn og kontaktinformasjon)

  Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som pdf vedlegg til søknaden. 

Følgjande premissar er lagt til grunn for stillinga som forskar:

• Forskaren skal vere medlem i forskingsgruppa som fagfeltet høyrer inn under
• lønsutgiftene skal om mogleg vere 100 % eksternt finansiert
• Forskaren skal aktivt bidra med å innhente eksterne prosjektmidlar til fagmiljøet, til både seg sjølv og andre, frå NFR, EU og andre kjelder
• Det er forventa at forskaren har sin forskingsaktivitet finansiert av prosjekta forskaren og forskingsgruppa rundt forskaren arbeider med
• Instituttleiar kan pålegge forskaren arbeid inn mot bestemte forskingsprosjekt
• Forskaren kan inneha verv, delta i komitear, utval m.m. innan UiB
• Forskaren har ikkje undervisningsplikt, men forventas å rettleie master- og ph.d.-studentar i den grad dette inngår som ein naturleg del av forskingsaktiviteten i forskingsgruppa
• Forskaren kan søkje kompetanseopprykk etter reglementet for opprykk
• Grunnlaget for stillinga opphøyrer dersom prosjektfinansieringa opphøyrer, og ny lov om statens ansatte mv. om oppseiing og fortrinnsrett vil gjerast gjeldande for fast tilsette.

Generell informasjon:

For nærare opplysingar, kontakt prof. Frits Thorsen, e-post: frits.thorsen@uib.no, telefon: 957 49 681

Særlege krav til stillinga

Regelverket for

eksportkontroll gjeld for Universitetet i Bergen. Regelverket vil liggje til grunn i handsaminga av søknadane.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.