Leiar skular og barnehagar
Er du ein trygg vaksen som likar leik, aktivitet og gode relasjonar?
Då treng me deg på SFO ved Leirvik, Hystad og Rommetveit skule
Etter innføring av gratis kjernetid i SFO opplever me ein stor auke i elevtal, og har difor behov for å rekruttera fagarbeidar / assistent til SFO -- i første omgang ved Leirvik skule og Rommetveit skule, men det kan òg bli aktuelt med behov ved andre skular i kommunen.
Me har trong for tilsetjing på kort varsel, samt tilsetjing frå skulestart i august 2026.
Stillingane kan vera faste eller vikariat
Stillingsstorleik: Minimum 40%, evt. meir ved kombinasjon med arbeid i skule.
Det kan vera aktuelt med kombinasjon med arbeid i skule
Arbeidstid:
Primært frå etter skuletid og fram til 16:15.
Det kan også vera aktuelt med arbeid på morgon-SFO frå 6:45 til skulestart.
Det må påreknast at det kan bli aktuelt med arbeid heile dagar i skulefrie periodar.
SFO er ein viktig del av kvardagen til barna. Her skal dei oppleva:
tryggleik og gode relasjonar
leik, aktivitet og meistring
ein god overgang mellom skuledag og fritid
Som tilsett i SFO er du ein viktig del av laget rundt barnet, og bidreg til eit heilskapleg og inkluderande tilbod i tett samarbeid med skule og føresette.
Me ser etter deg som:
likar å vera saman med barn og trivst i ein aktiv kvardag
er ein trygg, tydeleg og omsorgsfull vaksen
forstår kor viktig SFO er for trivsel, inkludering og utvikling
bidreg positivt til fellesskap og samarbeid
kan jobba sjølvstendig, men også godt i lag med andre
du er leiken, engasjert og til stades
du har gode samarbeidsevner
du er fleksibel og løysingsorientert
du bidreg til eit trygt og godt arbeidsmiljø
Det er ein fordel med erfaring frå arbeid med barn, anten frå SFO, barnehage, skule, fritidsaktivitetar eller anna relevant arbeid.
Fagbrev som barne- og ungdomsarbeidar er ein fordel, men ikkje eit krav.
Tilsetjing føreset godkjend politiattest i tråd med opplæringslova.
ein meiningsfull jobb der du gjer ein forskjell for barna kvar dag
eit godt og inkluderande arbeidsmiljø
varierte arbeidsdagar prega av leik, aktivitet og fellesskap
løn og arbeidsvilkår etter gjeldande avtaleverk
offentleg tenestepensjon
Dersom søkjar ønsker å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ønske om reservasjon ikkje vert teke til følgje.
Stord kommune er kommunikasjons- og regionsenter i Sunnhordland, og ligg sentralt mellom Bergen og Stavanger. Stord er ein utviklingsorientert industrikommune med ein maritim sektor som er verdsleiande m.a. når det gjeld å utvikle grøne løysingar. Kommunen har ambisjonar som ein attraktiv vekstkommune under visjonen <<Saman om utvikling og velferd>>, og har mål om å bli nullutsleppskommune innan 2030. Stord har mange og varierte tilbod innanfor privat og offentleg tenesteyting, handel og undervisning, idrett, kultur og friluftsliv. Kommunen har nær 19.000 innbyggjarar.