100% vikariat som lager- og logistikkmedarbeidar ved Kommunalt hjelpemiddellager

100% vikariat som lager- og logistikkmedarbeidar v/ Kommunalt hjelpemiddellager frå d.d. til 31.12.26 med moglegheit for forlenging

Arbeidsstad: Odda/Tyssedal

Arbeidsoppgåver:

• Lagerdrift og logistikk: Mottak, registrering, systematisering, plukking og kvalitetskontroll av innkomne og utgåande hjelpemiddel. Sørgje for orden, reinhald og god lagerstyring.

• Systemarbeid (KS Hjelpemiddel): Dagleg registrering, oppfølging og sporing av utstyr i fagsystemet KS Hjelpemiddel.

• Hjelpemiddel og velferdsteknologi: Mottak, enklare teknisk klargjering, funksjonstesting og konfigurering av både tradisjonelle hjelpemiddel og moderne velferdsteknologiske løysningar (som til dømes tryggleiksalarmer og elektroniske dørlåser). Stillinga kan også innebære henting og utlevering av enkle hjelpemiddel ved behov. 

• Samhandling: Nært samarbeid med terapeutar, kommunale tenester og NAV Hjelpemiddelsentral.

Arbeidsoppgåvene vil kunne endre seg i takt med utviklinga av tenesta og innføring av nye velferdsteknologiske løysningar.

Kvalifikasjonskrav:

• Gode datakunnskaper og evne til raskt å setje deg inn i nye fagsystem (erfaring med KS Hjelpemiddel eller liknande logistikksystem er ein stor fordel).

• Førarkort klasse B.

• Gode norskkunnskaper, både skriftleg og muntleg.

• Fagbrev i logistikkfaget eller anna relevant utdanning (Relevant erfaring kan vege opp for manglande formell kompetanse).

• Fordel med kjennskap til hjelpemiddel og velferdsteknologiske løysningar. Dersom ein ikkje har gjennomført kurs i regi av NAV Hjelpemiddelsentral, så må dette gjennomførast.

Personlege eigenskapar:

• Du er strukturert, nøyaktig og systematisk – du trivst med at det er orden både på det fysiske lageret og i det digitale systemet.

• Du er sjølvstendig og handlingskraftig, og evner å styre eigen arbeidskvardag.

• Du har gode samarbeidsevner og er serviceorientert i møte med kollegaer, samarbeidspartnarar og innbyggjarar.

Me tilbyr:

• Varierte arbeidsoppgåver

• Spennande arbeid 

• Lønn etter hovudtariffavtalen

• Gode moglegheiter for kompetanseheving med støtte frå kommunen

• Fleksibel arbeidstid og gode permisjons- og pensjonsvilkår.

Krav:

• Politiattest jfr gjeldande lov

• Krav til førarkort: Klasse B

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.

For å gjera unntak må kommunen ha heimel i lova og vurdera konkret i kvar sak kva som er grunnen til unntaket.

I følgje offentleglova § 25 vert det stilt følgjande krav for å få unntak:

"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/

Link til søknadsskjema:

Søk her